#schoolssecrets

Instagram photos and videos

#schoolssecrets#名校secrets#schoolmatesapp#schoolsmatesapp#2018dse#cny#hkdse#2018DSE#hkig#852#wahyan#中文口試#dse#wyhk#eduhk#lingu#hys#mufest#hksyu#polyu#vday#hkbu#cuhk#cityu#hku#hkust#5starstar#hk#dbs#tlgc#拜年#spinchallenge#suicide#ありがとう#olympicgames#bca#redpocket#kc#羽生結弦#親戚

Hashtags #schoolssecrets for Instagram

En Facebook-sida som grundades i Hongkong, Schools Secrets, på svenska "Skolornas Hemligheter", har nyligen kritiserats för deras nyliga olämpliga åtgärder att radera inlägg som är 100% okej utan problemer. De har också lägg till bildtexter på usprungliga fotot som någon skickade förr utan tillåtelse från skickaren. Skickaren frågade varför de har gjort det där, men Schools Secrets sa att de vill inte klargöra och krävde skickaren att skicka till en annan sida. Vi kan se att attityderna av administratörerna av Schools Secrets behöver förbättring. Senare, det kändes att Schools Secrets drivs av en tutorialcenter som heter Royal Learning, därför att adressen för varumärket School Secrets är samma som den av Royal Learning. Det förklarar varför nya inlägg på Schools Secrets är av låg kvalitet, eftersom de är mycket kommersialiserad.

Nu det finns två alternativer till Schools Secrets på Facebook, en är HK Student Secrets, den andra är New School Secrets HK.

#ImNotRepresentedBySchoolsSecrets
#SchoolsSecrets


0

2018.04.01
[2018DSE] 考評局為了激勵考生考好文憑試
特地今年提早公布中文科說話成績
考得好的考生要繼續努力下去
考得不好得要在其他卷上更加努力
成績可在考評局網站查閱
在此祝願各位考生獲得佳績
.
.
.
.
.
.
.
.
.
.
.
.
.
愚人節快樂

#2018dse #hkdse
#aprilsfool
#schoolssecrets
#schoolmatesapp
#名校secrets


1,998

2018.03.28
[2018DSE] 我係調景嶺圖書館第129號座位發現左呢張紙
佢攝左係自修室規則張過膠紙後面
我好感動 多謝你😭❤️ 各位18 dse fighter 加油!!! P.s.我冇帶走 繼續鼓勵更多人

#2018DSE
#hkdse
#schoolssecrets
#schoolmatesapp
#名校secrets


436

2018.03.28
[Page中女校] 我同大家講個故仔
從前 A同我係一對好好嘅朋友 好多野都係一齊經歷 考試期間仲日日一齊去自修室溫書 溫完書就去周圍行吓 散吓心咁
我哋兩個不嬲都有好廣闊嘅社交圈子 尤其是係A 異性朋友不知幾多
但係只不過其實我一直都有懷疑一樣野
好多時 我一po自拍上snapchat A就會cap圖 可能朋友之間好多時都會係咁 用來做sticker第時大個攞出黎笑呀嘛 好正常啫
有一日 A就問我 話想我同佢啲仔仔skype喎 咁其實我就唔識A啲frd嘅 不過見冇野做咪傾一陣囉 當時我嘅skype icon係有自己個樣嘅 但係A就無端端同我講 叫我轉一幅冇自己樣嘅相先好同佢啲frd skype 咁我聽到就轉左另外一張相
呢段友誼一直維持落去
.
直到有一日
有個陌生嘅男仔主動ig direct send咗一張我嘅相 問相入面嗰個係咪我黎 咁我就好自然答係 但係同時亦都好好奇點解一個唔識嘅人會有我呢一張相 我就問個男仔究竟呢張相係邊度得返黎
然後個男仔就同我講 係A send呢張相俾佢然後話係自己黎
我當時係shock咗 亦都好想知發生咩事
隨着時間嘅流逝 我亦都收到更加多男仔嘅direct 同我講話分唔清A同我邊個打邊個 又話A send咗好多我嘅相俾佢地扮係自己 所以就話咩想問清楚究竟A係咩樣我係咩樣
當時我真係好失望 估唔到一個曾經咁好嘅朋友竟然可以利用自己 用自己張相嚟識人
呢段時間我一直唔敢同人講呢件事 更加唔敢同A講 因為驚會冇咗個friend同搞大件事
直到2017年嘅10月 我終於鼓起勇氣同A講我已經知道咗呢件事 當時A不停道歉 話咩好後悔 一直都好心虛 仲話咩以後唔會用
一切一切嘅承諾 令我放下戒心 繼續同A做返好朋友
.
去到2018年嘅三月 再一次令我失望嘅事又發生咗
冇錯 我發現A原來一直都仲有用我啲相識人 A仲要用我張相同個男仔講自己搞過兩次野
我聽到之後喺學校喊咗出嚟
我覺得自己好委屈 原來之前所有所有野都係謊言大話 一次又一次嘅 ‘唔會啦 信我啦’ 原來都係假嘅 但係我仍然選擇低調處理 而放棄同學校講 但係同一時間其實我仲諗緊自己應該行邊條路
.
故仔就講完啦 我唔係埋怨唔係博同情 只係想比大家知道原來呢個世界上好多野都唔係你諗咁樣 曾經以為自己有一個值得交心值得信任嘅朋友 原來全部野都係我自己幻想出嚟 現實就係殘酷 要你面對一次又一次嘅出賣同利用 但係從呢啲困境入面 我竟然係會想選擇卻步 逃避一切

#schoolssecrets
#schoolmatesapp
#名校secrets


562

2018.03.26
[GUEST][wscss] 岳陽樓記-范仲淹
[十二篇]project 完成度8.3%
Next target :始得西山宴遊記
.
Hello 大家好
唔知大家知唔知咩叫橡皮章呢,而小妹就刻左岳陽樓記出黎,希望大家鐘意,亦在此祝各位考生加油,搞掂中文!
P.S. 我會繼續刻,目標=十二篇全文😂😂 Sorry for 1999

#十二篇範文 #2018dsefighter
#schoolssecrets #schoolmatesapp #名校secrets
#印 #岳陽樓記 #dse中文
#art
#hkig #hk #852


445

2018.03.26
[GUEST] 今年年尾前十八歲生日既2019DSE考生, 係咪即係可以又攞4000, 又免考試費?

#2018dse
#hkdse #dse #5starstar #schoolssecrets #schoolmatesapp #名校secrets
#hkig #852 #hkust #hku #cuhk #cityu #polyu #hkbu #lingu #eduhk #hksyu


310

2018.03.25
[2016DSE] 長文 - 一個Band 3仔奮鬥入U的故事

1. 背景
我初中讀大西北一間Band 3男女校, 日日唔係撩女仔就係好勇鬥狠, 唔交功課, 考試0分比比皆是, 為左唔比人排擠, 我都盡量埋堆, 其實我係唔想埋堆。

2. 被杯
最後唔再埋堆, 就被杯葛, 感覺好痛苦。有一日我喺度諗 呢D是否我想要的校園生活, 日日玩, 日日被杯到底有咩意義, 想威想疊馬值得咩?

3. 奮鬥
跟住F.3,F.4, 我都係長期缺課, 就算有番, 上堂都係鳩hea, 同埋問老師拎番D筆記, 仲有交下功課咁, 虛心D問老師學術問題, 另一個原因就係唔想見到班同學。
或許Band 3的好處就係有彈性, 我用缺課時間去Study Room溫書, 由F.2的筆記開始讀起, 做番晒D功課, 特別係英文, 我要搵番小學課本去睇先跟得上, 但我唔介意要 I you we they he she it。我漸漸發現, 正確打大佬的滿足感係好大, 信念逐漸建立。當全港幾萬個學生有緊正常學校生活果陣, 我每日苦讀的感覺其實唔太好受, 但多謝上天賜我定力, 埋首喺書海中, 我漸漸由煩厭變得平靜。

4. 轉校
見到我成績進步都好大, 我媽建議我轉一家「好D」既中學升F.5, 我都諗住轉, 比自己新環境, 就算係幾困難幾Chur都好。我Search左好多間, 將佢地的文化, 師資等Mark晒落來做對比。最後我揀左一家沙田區的Band 1, interview亦都順利入左去。我屋企去新學校, 計埋等車要預個半鐘, 我開始左朝早6點起身的生活, 而且好多次試過爭D遲到。

5. Band 1生活
入到那家學校, 完全顛覆左我對於「學校」的印象。入面D學生一係勤力到不可思議, 一係可以完全平衡到學業同課外活動, 兼且性格仲超好, 女仔唔少都溫文爾雅, 男仔動靜皆宜, 當然, 男女一樣好中意講是非。而果家學校普通Chur, 亦都有唔少補課, 但對於我來講, 因為有以前自學經驗, 所以都應付到, 而且。係就係Electives同Maths要用英文讀, 不過, 都係背番晒相關Vocab就Settle晒, 有唔明都有幸獲同學指導。上堂老師點你答問題, 唔會hea答, 會將所知既講番出來。

習慣左Band 1生活之後, 間中放學都會去打陣波先再去Study Room, 之後一直衝到關門為止, 有時夜晚都會補習, 亦因為咁集中力又提升左, 做野都有效率, 覆Wtsapp只限問功課, 因為可以Prove到自己係咪真係識。呢段日子持續左年半, 每晚都成11點先番到屋企, 食個晚飯沖個涼12點前上床訓教 (忍手唔開電腦, 要用電腦做既功課寧願喺學校做埋) 第二朝繼續六點幾起身, 喺巴士度繼續訓。雖然有時身心俱疲, 好Dry, 但都無計, 條路自己揀, 喺果陣我開始領會老Seafood口中的multi-tasking係點。

6. 入U
多年來的奮鬥終於結果, 係成績表有粒星, 超乎預期, 因為本身喺級入面只係介乎中游至中上, 我老豆同媽亦都無諗過我會有今日, 佢地真係開心到流晒馬尿。我而家讀緊一家本地大學商學院 (世界排名ok), 我想同大家講, 唔好睇死自己丶唔好怕寂寞, 知識無價, 同埋, 永遠存心感激患難中扶持你的人, 他們先係真朋友。感謝上天比我有與別不同的成長路, 雖然錯失好多青春, 但至少我知喺可見將來, 只要唔行差踏錯, 我前途係一片光明。

#成功不需父幹
#2016dse
#2018dse
#hkdse #dse #5starstar #schoolssecrets #schoolmatesapp #名校secrets
#hkig #852 #hkust #hku #cuhk #cityu #polyu #hkbu #lingu #eduhk #hksyu


320

2018.03.25
[2018DSE][地鐵站名黃氏痴線佬組嘅綠中一點紅]
唔知應該話係綠中一點紅 定黃中一點紅 抑或黃中一點真黃先啱呢 總之我係嗰組入面嘅清泉 E同學
.
我由筆袋奇緣嗰時開始一直都有follow呢個page 今次件事都有朋友tag左我 話好好笑要我快D睇 HK01都拎左呢件事嚟寫新聞 我啊媽笑到gap gap聲 我唯有喺到扮笑 唉 點好意思話俾人知我就係入面個E同學?
.
既然係咁 我嚟分享下感想啦 唔該識我嘅勿相認 請你地扮唔知我開過po 我連首輪都冇出聲 因為我以前俾人欺凌過 有陰影 所以一直都冇辦法喺呢D鄭重嘅場合 當住其他人面前講野 一講野就震哂 諗唔到野 我次次校內試口試都係零分 study leave左之後不停揾人練習 先有辦法講到首輪 可惜正式考抽中條難到抽筋嘅題目 搞到我老毛病又病發 又開始震哂流眼水 唉運氣唔好係咁 反正考之前都唔算係練左好耐啫 我準備時間十分鐘完全平靜唔到 乜都諗唔到 唯有無可奈何地放棄
.
好啦唔講呢D陳年舊事 一開始聽住前面四個同學講首輪 我都覺得佢地好勁 又咩旺角=香港繁榮 黃大仙道家啊乜乜 迪士尼中西文化合璧 我唔係好記得 淨係覺得佢地好勁 講野好有條理 有說服力
.
雖然我oral永遠0分 但其實我中文其他卷都幾好 睇得出佢地oral個底起麻有3 於是我越嚟驚 首輪連求其揀個立場都唔敢講 諗住算啦 咪當讓俾佢地四個 俾佢地多啲機會講野 拎高分D 我好似平時校內試咁揾其他卷拉分就算 聽左D同學首輪嘅一半 我已經冇心再聽 我腦袋放空 當佢地嘅討論係BGM 點知 過左一陣 佢地無啦dead左 因為之前冇聽佢地講咩 我仲心諗發生咩事
.
突然有條友突然開始發癲“我同我老豆 我啊爺 我太爺都姓黃 所以我揀黃大仙” excuse me??Are you ok???原來你同你老豆你啊爺你太爺都係男人???所以呢個世界有好多男人???
.
如果呢個癲佬考揀一隻顏色去象微青少年嗰題 係咪諗住揀黃色 講1+3 因為①我姓黃②我老豆姓黃③我啊爺姓黃④我太爺姓黃???
.
咁我不如講我嘅M血係紅色所以我揀紅色?我每個月都會紅色幾日!不如用埋演繹論証?我住彩虹→我=青少年→好多青少年住彩虹→彩虹色可以象徵青少年 好冇??彩虹有七隻色 而你都係七頭啊!
.
之後又有條友“我聽完你咁講 突然醒起自己都姓黃”“我屋苑管理處做左個統計原來最多人姓黃 文具鋪黃嫂 乜乜店黃叔 樓上老王etc” wtfff???竟然係選擇陪佢癲落去 而唔係拉返佢入題?突然醒起自己姓黃?啫係你之前一直都唔知自己姓乜?你張分紙係匿名嘅?黃嫂黃叔都算 樓上老王係咩事 兩個黃字都唔係同一個黃字 我仲以為肯定會有正常人 帶返翻呢兩個人入正題 畢竟首輪時 我隔嚟嗰四個都係正常人
.
點知 我嘅期待落空左 見到佢地四個開始望尼望去 我已經feel佢地到有種迷之默契(gay情) 我同D同學明明係隔尼位 但我同佢中間就好似夾左條萬里長城咁 我已經冇辦法再融入呢組 唉 我竟然喺考oral嘅短短十五分鐘內就俾人isolated 注定做隻邊緣狗
.
接下來嘅發展 就係大家都知架啦 再有二名癲佬先後發癲 佢地竟然可以一本正經地講出呢堆毫無智商嘅野 仲要面帶微笑 如果我係個聾人 一定會以為你地好勁 好想喺隔尼拍手 真係同衣加香港嘅高官有得揮 話唔定我當時應該同佢地攞簽名 睇怕呢四個一定會係將來嘅香港特狗/立圾會議員
.
雖然係我主動棄權在先 但我覺得自己死得好無辜 我嘅退出 我嘅讓步 竟然俾四個黃氏癲佬扲黎開楝篤笑 係咪黃子華最近話會出黎開show 所以想學佢做小黃子華?但我覺得要成為二代黃子華嘅第一步一定唔係改姓先囉 人地有披頭四 你地叫柒頭四啦好冇 黃氏柒頭四 啱哂 而且 根本冇可能全組五個都姓黃 五個同姓嘅人分埋一組嘅機率有幾低 唔該揾人計下 如果真係咁有緣五個同姓嘅人分埋一組 咁不如五個一齊結婚啦 咁有緣 肯定命中注定 男人嘅友(基)情真神奇 竟然可以為此而放棄決定前途嘅Dse 雖然我連首輪都冇出聲 冇資格話佢地 我最後都係忍唔住出左聲 可能我一直以嚟嘅陰影同弱點就因為呢四個癲佬而好翻 可能癲人癲事仲勁過心理醫生
.
所以 如果ABCD你地見到嘅 我姑且都係要感激你地四個 真係真心多謝你地 雖然明顯我有心理問題呢件事 同你地四個想派膠並冇任何關系 只係巧合 話唔定 我地五個嘅相遇係命運 你地四個就係為左醫好我嘅心理問題而一齊出現 多謝 我一世都會記得你地 因為你地太膠 送幅好襯你地四個嘅青蛙圖俾你地
.
Sorry for 1999
.
祝你地四個基情永固 2018一定要得 唔好再報2019害其他人
.
P.s因為我係筆袋奇緣嗰排開始follow呢個page 當時睇得好開心 希望各位同學再大展身手 用你地創意力嚟整個《黃氏奇緣》啦 已經有CBDE同學喇 唔知我同A同學會唔會同一時間開緊post 仲有好多人可以講!例如兩位考官 其他同場但唔同組嘅考生 試場職員等等 雖然我並唔係太想成為奇緣入面嘅主角之一
但我都好想再見証多次當年嘅光輝😂
#2018dse
#中文口試
#黃氏奇緣
#名校secrets
#schoolssecrets
#schoolmatesapp


828

2018.03.24
[GUEST] 我想借用呢個平台分享一下
自己ge 說唱靈感

夜晚呢個時候我就咁啱諗起
點解文憑試啲錢要由我地自己比
基本上 呢個制度 呢種風氣
就等於 買子彈上刑場將自己 射死
但係作為學生嘅我哋 根本就冇say
在下祝願各位可以捱過呢個334
不如我 用首歌
探討下
今年DSE 點解難咁多
第一科 中文科
有啲嘢好似未考過
冇錯
嗰D範文一出都嚇到你傻
仲要佔得個百分之七
啲分仲要少到其實慘過去乞
不如唔好出當係即番啲陰德

第二科 英文科
我都唔係幾清楚
淨係知hardworking is the only way to score
第三科 數學科
因式分解
好易理解
畢氏定理
會出唔奇
但有恆常練習就唔會包尾 hey
仲有一科 通識科
背好啲piont 加埋D skills
唔理乜嘢題目都一定會kill
好高興中文oral已經完咗
我相信4月亦都好快會過
各位考生準備好就嚟開波
攞過唔會愧對自己嘅美滿成果

承讓🙈🙈 #2018DSE
#名校secrets
#名校有嘻哈
#schoolmatesapp
#schoolssecrets


144

2018.03.24
[2018DSE][地鐵站名黃氏兄弟果組]
大家好 我係癲佬組入面唯一一個靚仔 D同學

有留意secrets嘅同學應該都知 oral考地鐵站名果題有一組癲佬 犧牲自己尼放笑彈俾大家

C同學話想po上secrets果時 我地都不以為然 估唔到有咁大反響 事後我地自己睇翻C同學個po 都覺得好好笑 點解我地可以講得出啲咁嘅野😂 “A:我突然醒起我姓黃”???wtfff 但係考緊果時我地又冇笑 因為當時已經放棄左人生 即係我地當時係一本正經地胡說八道😂 諗翻起都想笑 B同學話見到兩位marker一直掩着個口 唔知係咪忍緊笑呢

E同學應該都係狂人一個 雖然佢連首論都冇出聲 坐佢隔尼嘅我 瞄到佢份試題答題紙上面 大大隻字寫左個粗口單字‘尸+吊’ 仲要將隻字描到勁黑勁粗😂

本身冇諗住同其他人交換電話 而且我仲以為起麻有一兩個係真係姓黃 但冇諗住再問 大家考完就算 考完離開試場後 第一個開口嘅係E同學😂佢問:“你地有邊個真係姓黃?” 我地異口同聲咁答話唔係 E同學講左句粗口之後就急急步走左 剩低我地四個男仔 結果笑下笑下 又傾下傾下 發現原來大家幾啱傾 先決定交換電話😂 😂

我衣加先突然醒起 派分紙果時 個職員姐姐有同我地對過個考生編號+我地個姓 E同學係真係姓黃😂😂😂 因為個職員叫左5次“188乜乜號 黃姓女同學” E同學先出尼😂😂 即係五個人入面 原來有四個偽黃同學+一個真黃同學😂😂😂 Sorry for 1999 + 祝各位dser好運

P.s 我地個wts群除左討論學術問題之外 仲要討論某啲野嘅番号 男人嘅學術

#2018DSE
#schoolssecrets
#schoolmatesapp
#名校secrets


498

2018.03.24
[2018DSE][oral地獄站名嗰題][全組姓黃嗰組] 😂hello 大家好 我係全組自暴自棄 率先離題嘅B同學。

講返先 當下考完出黎同大家傾返 先發現原來我地根本冇人姓黃。😂 可能你地覺得我地係四個痴線佬 冇錯 睇翻C同學個po 我地嘅論點 確實係四個痴線佬。

可能我自視過高 其實我地四個本身都係正常人 只係嗰下真係放棄左人生 你睇翻我地發言結構 套語回應展述論點比較 乜都做齊 仲有共識意識。
我地四個只不過係對香港地名冇乜研究 運氣唔係咁好 崩潰並自暴自棄嘅小丑☺️😊。 對比其他題目 尤其是比較簡單嘅題目 真係有常識就得。
有題乜乜 與好友政見不一時你會力陳己見vs保持沉默vs轉移話題 呢題直情有年卷二作文考過類似野啦 日校正常一定有做過有解過卷 試問又點會有人唔識?
真係好離譜 嗰D看法題 排優次題 簡單到?同地獄站名呢條有得比?考中呢啲垃圾題目嘅人係咪真係個個都對香港地名有認識? 😊算啦 呢場考運氣嘅遊戲 大家一笑已之就算。所以 我打開份試題答題本嘅時候 已經崩潰左。
我開口帶領大家離題嗰下 已經放棄左。我地一直努力做嘅準備 所有練習 温過嘅所有古文同例子 已經化為泡沫。

只係 我完全冇諗過ACD都會跟住我一齊 本身都有小小歉意 但之後傾翻先發現原來大家諗法都一樣😂。可能因為我地四個都係男仔 身高差唔多 又冇個靚仔 由入試場嗰刻開始已經有一種莫名嘅默契 兄弟之間嘅義氣。考完之後大家都交換左電話 仲開左個whatsapp群。

冇計啦 只怪大家都對地名冇認識 我地已經睇開左 希望我地可以舒緩到marker監考左咁耐嘅壓力啦!

不過其實都算好彩嘅 至少我地唔係講深水埗vs將軍澳vs火炭
如果唔係,A同學嗰句「我突然醒起,我都係姓黃嘅人。」可能要變成「我突然醒起,原來我係一個好中意喺深水底玩火同炭嘅大將軍。」 P.s真心嗰句 比起同三個毒男交換電話 梗係想同靚女換多啲啦!!:(
P.s2 地獄站名 冇打錯

#2018dse
#schoolssecrets
#schoolmatesapp
#名校secrets secrets


386

2018.03.24
[GUEST] 有冇人覺得校隊嘅人會好有人緣
可惜雖然我係校隊但我人緣並唔好
我都唔知道點解但係每次有活動嘅時候我永遠都係畀人遺忘嘅嗰個
我有時喺度諗緊係咪因為我同隊友嘅話題唔夾
定係因為我住嘅地方同佢哋離得遠
我個班有四個籃球隊 我係其中一個
今日春茗嘅時候 佢哋都冇同我講過嘢
因為我係一個重感情嘅人 我真係非常唔開心
我唔知點算好
唔係喺校隊嘅時候 就算係課室 我都只係默默咁坐埋一角 冇人同我講嘢
其實唔係因為我唔同佢哋講嘢 而係因為我根本插唔到入佢地
女初中生好中意一齊去廁所 其餘3個隊友去廁所 但係冇叫埋我一齊去
我唔知點樣先至可以同佢哋打好關係
我哋明明係隊友 但又好似陌生人咁樣
或者我去到畢業之前我都係自己一個

#schoolssecrets
#schoolmatesapp
#名校secrets


170

2018.03.23
[2018DSE][地鐵站名嗰題全組自暴自棄]
因為呢題淨係問個站名,講其他活動或者地點就會離題,所以其實冇幾多野好講。加上我嗰組都平平均均,冇學霸冇豬冇狂人,E同學連首論冇出聲,所以我地講完「旺角好旺」、「迪迪尼係英文字音讀過嚟所以象徵香港中西文化都有」、「黃大仙=香港人迷信」之類,就冇哂point,dead哂。

望住個鐘,仲淨翻四分鐘左右,大家你眼望我眼,dead左五秒,已經冇野好講了。

當時我地全組唔計E同學,個個都已經有1+2,其實可唔可以人完左個討論佢呢?冇point喇喎,嚟嚟去去得3個point,講多又離題喎!相信當時並唔係得我一個有咁嘅諗法。

突然!B同學開口了!

正當我地以為救星出現,有新point嘅時候...
.
B(本身揀黃大仙):「聽左各位嘅意見,我都同意三個地點各有可取之處,但我依然認為黃大仙係最適合嘅選項。唔知大家有冇聽過百家姓呢樣野?香港人有好多唔同嘅姓氏,例如姓陳、李、張等等。而其中一個最多人嘅姓氏,就係姓黃喇!好似我咁,我同我啊爸、我啊爺、我太爺都係姓黃嘅。而黃大仙都係姓黃嘅,所以我認為黃大仙對香港人嘅代表姓較高。未知大家會否考慮改變立場以盡快達成共識呢?」 我嗰下呆左,諗諗下雖然膠膠地但起麻又冇離題,可能大家都係咁,又或者已經放棄左人生。跟住...
.
A(本身揀旺角):「回應翻頭先B同學嘅觀點啦。B同學就話因為佢同黃大仙一樣都係姓黃,所以佢揀黃大仙。聽完佢咁講之後,我都突然醒起,原來自己都係姓黃嘅人。根據我屋企管理處舊年做嘅統計,我居住嘅地方都係最多人姓黃。例如文具店嘅黃嫂啦、小食店嘅黃叔啦、樓上嘅老王等等。可見香港人大多數係黃氏家族嘅子孫。所以我讚成黃大仙呢個名可以呈現香港多人姓黃嘅特色,並決定將立場改為黃大仙,以助大家早日達成共識。」
.
D(本身揀旺角):「冇錯喇!我都好同意頭先同學嘅觀點。的確正如同學所講,唯有黃大仙先可以顯示香港多人姓黃。反觀旺角喺呢方面就稍有不足。旺角,只係一個角。但喺香港,姓黃嘅人就散佈喺每個角落,並唔係得一個角。好似我咁,我都姓黃,但我同其他同學就唔係住埋一個角。所以我都同意黃大仙可以呈現到香港嘅特色,並更改自己嘅選擇為黃大仙,希望大家達成共識。」
.
算啦,大家又對望,其實都明架喇,都冇point好講了。我唔理喇!我地四個一條心,trust in 隊友!

我(C)(本身揀迪士尼):「聽左頭先同學嘅觀點,我都好同意。唔知大家知唔知華人仲有另一個名,就係炎黃子孫呢?相信香港人大部份都係炎黃子孫。炎黃子孫有個黃字,黃大仙都有個黃字。相反,迪士尼呢個名象徵住嗰隻老鼠嘅樂園。但香港人唔係老鼠嘅子孫,香港呢個地方本身都唔係樂園,而係煉獄。所以我都同意比起迪士尼,黃大仙更能呈現香港人係炎黃子孫嘅特點,並轉立場同大家一樣揀黃大仙。」 淨左十秒左右,我仲望住留俾其他人講總結。點知呢個時候,連首論都冇出聲嘅E同學突然開口了。

E:「唔好意思!正如霍金唔係姓霍、諾貝爾唔係姓諾呢個道理一樣,我諗黃大仙都唔係姓黃!黃大仙三個字係地方名!冇地方姓呢樣野!」 隨着E同學嘅吶喊,計時器亦同時響起,呢個荒謬至極呢小組討論結束了。離開試場後,我同ABD同學相視而笑,並交換左contact,開左個全男嘅四人study group。

真心覺得,比起呢題,成個2018中文oral嘅第一題,根本就係考小學生升中學用嘅。

#2018DSE
#schoolssecrets
#schoolmatesapp
#名校secrets


1,963

2018.03.22
[2018DSE] 出卷員的人生(續): 雖然十年冇見,不過計下數,原來呀仔今年考DSE。好唔容易用Facebook搵到佢,諗住用教中文做藉口,見佢一面。但講唔夠兩句,前女友打嚟話唔想佢同個仔咁多交集,有咩禮拜日去茶樓當面講晒佢。

去到茶樓,發現唔只個仔,自己前女友同現任老公都嚟埋。見住呀仔成餐飯un un 腳係咁篤電話,問十句答一句,又叫個現任做呀爸,難免又嬲又心酸。佢忍唔住,想話佢兩句,不過諗諗,自己又有咩資格鬧佢?唯有憑題寄意,望佢反省下。

7.有人認為智能電話使人成為孤島,也有人認為智能電話是孤島間的橋樑。試談談你的看法。

8.鼓勵年輕人重視禮儀,以下哪一項更為有效?試達成共識。
父母以身作則 學校加強教導 媒體潛移默化

到咗八月,JUPAS 放榜,呀仔順利入大學。見到個仔係Facebook post 係 ocamp 開心嘅相,佢不禁緬懷過去大學日子。但係佢大學生涯只有三個字:頹毒摺。佢對玩冇興趣,淨係諗住讀好書,第時搵份好工。望住啲人住 Hall 、上莊、拍拖、做兼職做齊晒,佢唔明,唔通有其他嘢比追求安穩嘅職業更重要?睇住人哋係五光十色嘅聖誕夜玩到凌晨,佢對住本書,思考佢要點先可以為自己灰色嘅人生加添色彩。

9.以下均為年輕人追求的目標,試以重要性排列優次。
溫暖家庭 服務社群 安穩職業

10.年輕人生活色彩繽紛,你認為甚麼顏色可象徵香港年輕人的特質,試談談你的看法。

一間 U 又點少得學生會?未入校園,佢已經係遠處聽到各個候選內閣宣傳嘅聲音。雖然唔鍾意喧鬧,佢見到好多同學俾女仔搭訕話希望支持吓咁,都心動行過去睇吓有冇機會同靚女傾到計。點知去咗半個鐘,係無數海報前企定定,依然冇人同佢講過嘢。唯有扮約咗人趕時間,一路講一路行,離開嗰度去圖書館。

11.以下皆為學生會選舉的宣傳方法,試就其成效排列優次。

列隊校門呼籲 製作精美海報 校園電台廣播

Year 2 嗰年,佢試下做兼職,希望利用機會為自己人生添上色彩。點知佢父母知道後,話佢識賺錢,唔使再養佢。Hall 又申請唔到,為咗慳錢,唯有去劏房住,每餐食個菠蘿包就算,先勉強夠生活費。每逢麵包鋪到特價時段,佢都必定去排特價包,慳番啲錢。之不過排多咗,點都有啲唔耐煩。所以依家佢見到啲人為咗啲咩芝士撻芝士蛋糕排幾個鐘,都不明所以。等咁耐,值得咩?

12. 評論以下教育子女的做法。
親愛的家寶:
祝你21歲生日快樂。我已經完成養育你的責任,希望你可以成為一個負責任和正直的人。如果你想繼續住在這個家裏,你便要繳交水電費、糧食費、租金。如果你需要借貸便要支付利息。

13. 排隊是香港常見的現象,試評論以下各人的看法。
允行:前面有很多人排隊,秩序井然,真好。
思華:又要排隊,真無奈。
一心:為取得心頭好,排一日一夜也值得!

大學畢業,唔知自己夢想嘅佢就走咗去做文員仔。作為公司最低層嘅人,佢日日俾人蝦,只係默默捱過。當時香港冇咩特別,就只係大家都有獅子山下嘅精神。而幾十年後經過旺角,見到旺角街頭夜晚都係咁熱鬧,發現代表到香港嘅地方已經唔止獅子山一個。

14. 以下哪一個港鐵車站名稱,更能夠呈現香港特色?試討論並達成共識。
黃大仙 旺角 迪士尼

人老咗,記性都會冇咁好。人又唔認得,密碼又唔記得,佢開始想要過目不忘嘅能力。不過如果淨係揀一個方面,又唔知揀邊個好。諗嚟諗去,都係將問題交俾考生好過。

15. 如果你可以擁有一種過目不忘的能力,你會選擇哪一種?試談談你的看法。

面孔 數字 文字

呢排為咗出卷,日日忙到唔停手,同好多打工仔一樣成日 OT。每朝係地鐵見到無數個倦容,佢心諗如果一日多三個鐘,大家有冇機會休息多陣?不過諗返轉頭,就算係咁,大家都係做多三個鐘嘢。一日未退休,佢勞碌嘅生活都唔會停。

16.如果一天由24小時變成27小時,香港人生活會更好,還是更差?

出卷員嘅人生暫時告一段落,多謝大家睇到呢度。睇完笑完,2018DSE 嘅考生快啲去溫書,唔好好似我咁無聊啦。
共勉之。

#2018dse
#schoolssecrets
#schoolmatesapp
#名校secrets


70

2018.03.21
[DBS][mufest戰報] 恭喜協恩奪得今年年度最佳合唱隊伍!

Best Junior Choir of the Year
SKH Lam Woo Memorial Secondary School (Junior Mixed Choir - Chinese)

Best Boys Choir of the Year
Diocesan Boys' School (Senior – Chinese)

Best Girls Choir of the Year
Heep Yunn School (Senior – Foreign)

Best Mixed Choir of the Year
St. Paul's Co-educational College (Senior Mixed Choir - Foreign)

Most Outstanding Secondary Choir of the Year
Heep Yunn School (Senior – Foreign) (P.S. 如果唔係初賽計錯分,有機會係華仁贏全場總冠軍,可惜協會唔show佢地,可惜!) #mufest
#schoolssecrets
#schoolmatesapp
#名校secrets


89

2018.03.21
[GUEST] 最近訓導老師都在走幽默的路線
我笑笑不說話😑

#schoolssecrets
#schoolmatesapp
#名校secrets


210

2018.03.20
[GUEST][SMSS] 究竟點先可以喺半個學期入面做到D咁嘅嘢?

#gundam #origami
#schoolssecrets
#schoolmatesapp
#名校secrets


187

2018.03.19
[GUEST] 我係學校比同學稱之為社工,因為我冇嘢叻,最叻就係聽人傾訴同開解人。亦都因為我唔會爆佢地既秘密,所以好多人無論識唔識我,都會走黎搵我傾。
.
升中之後既三年,我聽人講過無數心事。小至學業問題,大至家庭紛爭,好多人不為人知既另一面我都見過。係好多人眼中,我係一個好開朗既人。
.
意外既係,之前睇精神科醫生發現我自己其實有中度抑鬱。
.
其實我都feel到自己唔開心既頻率越黎越多,而且一次比一次想自殘。但係呢個諗法,只係僅此於「想」,因為我唔想比人知我抑鬱,唔想佢地擔心,所以一直收收埋埋,有咩唔開心,我自己一個承受就夠。自此之後,我一直帶住名為「開朗」既面具咁聽人同我訴苦。
.
我以為自己掩飾得好好,點知有個同我自少就識既好朋友同我講:「我覺得你近排好奇怪。」
我嚇左嚇,然後同佢講:「係咩,咪同平時一樣😂
跟住佢話:「傻妹你知㗎,你知我feel到㗎」
「你諗多左啦」我咁樣講
佢已讀不回我。
之後我冇理到,繼續我既生活。
.
上個星期,我係屋企溫緊書,突然間聽到有人撳鐘。一開門,我見到我朋友。
「無啦啦上黎做咩呀癲婆?講聲先等我準備下吖嘛~點呀想食咩我去煮。」我笑住咁同佢講
「等陣。」佢語氣同平時好唔同,我怯一怯。
「黎,攞住。」
佢遞左一袋我最鍾意食既朱古力同埋一隻熊公仔比我。
我攞住,然後呆左。
唔知點解,我喉嚨好辛苦,好似有粒野哽住。
跟住佢攬住我,同我講:
「我係度。我一直都係度。」
我伏係佢心口入面,然後不停喘泣。
.
真正既友誼,唔單止淨係周圍影相然後po上IG snapchat同人講今日幾咁開心。比起呢啲微不足道既野,我覺得有一個識得係你最唔開心既時候陪伴你朋友,先係最難能可貴。
.
sorry for 1999

#socialworker
#schoolssecrets
#schoolmatesapp
#名校secrets


617

2018.03.19
[GUEST][CityU] 近日有則新聞講個啊婆殺死個有adhd嘅小朋友,睇到好心 噏。

家長同香港社會對呢班細路仔嘅了解太少。呢篇文章想講特殊需要學生嘅難題,不是只集中adhd。

新聞中嗰個男仔有ADHD,成日發脾氣,伴有情緒問題。在呢篇新聞中,媽媽做護士工時長,孩子交給婆婆湊。但是婆婆卻認為佢教唔好原因放棄和殺掉自己的孫兒,很唔負責任。家長對佢關注很少,孫兒缺乏家人的愛成長,其實這對情緒影響不亞於adhd生理症狀的影響。如果佢真係沒有死而活下去,這心理陰影將留下一生,對佢心靈飽受傷害。佢會好僧外婆放棄佢。

ADHD 和其他發展障礙小朋友嘅情緒問題其實都係因為佢地在表達能力,同組織能力影響佢地表達情緒能力,加上控制衝動能力比較差,容易沒耐性同發脾氣。可能平時家人對佢感受有所怱略,同埋唔太識同佢地溝通。可能一味話佢,佢會好內疚,令佢覺得自己唔值得人錫。家人作為重要他人,唔理解細路,佢點會安心。所以在家發脾氣,希望家人了解佢,關心佢。

第二,好多時佢地在校受到同輩欺負,有時佢地未能專注留意社交環境狀況,令到佢地在場合做左一啲唔識當嘅行為,例如大聲講話,在場合講一啲唔太恰當嘅說話,令到同學仔反感,有時因此被人欺凌。但係好多時佢地在學校唔見得老師同社工都會關懷佢地。有很多個案仍然沒有在校社工定期關注佢地,令到佢地在校問題沒人開解,幫佢地應對。老師同校方谷banding同排名,成績。佢地很多時都追唔上學業,有時有啲會在文字和數字上處理唔太好。好多時老師覺得佢地好懶,無心向學。佢地其實好多都好聰明,有唔少患者在藝術,體育,甚至有啲口才好好。佢地身上有好多優點。

上到青春期,佢地面對人際關係愈來愈複雜,學業都繁重好多。呢段轉變期,令普通青少年難以適應,更何況adhd患者。在青春期,adhd嘅患者有各方面適應不良,引致他們有強烈自卑感。青春期係一個找自己認同嘅時期。

成績差,唔受朋輩歡迎,自細好多負面經歷等否定了他們自我價值,自卑感很重。有啲會做出位行為引人注意 ,有一啲會要求自己學[正常人]嘅行為,令自己受好多委屈。有一啲會好退縮,變成隱青。有啲甚至會吽出情緒病。但是社會對特殊需要兒童嘅支援多,鮮有聽聞青年成年針對性服務。就算係針對,都係能力較差的一批。對能力稍高的sen很少支援,例如adhd患者多數有正常嘅智商和能力。高功能sen有時都很無助。adhd患者到大個未必會自動好番。發展障礙係終生性狀況,如果有相應計劃協助他們適應在高等教育和在職難題,他們能在事業上揮灑自如。他們心理素質都可以改善,覺得有人支持,自己有能力。可惜,社褔機構服務仍然停留在評估,確診,社交專注力認字小組,小組approach希望佢地[正正常常],似糾正小組多過support group.其實,他們最需要嘅係自我實踐,搵返自己價值。不是再以同正常人差幾遠來做成效的指標。

在這個世代,家長,老師,社褔機構目的都想sen學生識字,成績好人際好,順從,乖。但是甚少會關注佢地心理狀況同個人需要。令sen學生們活出真我,可能比達到社會要求中成功更重要。

#sen #adhd
#schoolssecrets
#schoolmatesapp
#名校secrets


90

2018.03.17
[葵青某女校] 上年暑假買左對鞋著,都著左半個學期點知前排訓導話呢對鞋有黃邊唔比著。

暑假買鞋學生手冊無列明[皮鞋有黃邊唔比著呢條校規所以先買],學校要求我油黑啲黃邊/買翻對。如果唔係就會扣校服分,學校有制度犯屢次扣分然後未改善,就會記缺點。

可能本人就讀學校係全港唯一一間唔俾著呢對鞋。

sorry for 1999

#drmartens
#校規
#schoolssecrets
#schoolmatesapp
#名校secrets


917

2018.03.16
[2018DSE] 今日口試竟然有人用《精靈寶可夢。去》做例子,一用當堂全部笑晒😂😂😂😂😂 #pokemongo #2018dse #中文口試
#schoolssecrets #schoolmatesapp #名校secrets


181

2018.03.15
[2018DSE] 大家唔好笑今年啲題目,因為佢分分鐘代表緊出卷員悲慘嘅人生。

讀書嗰陣,佢無論幾努力,成績永遠不及啲 hea 讀都滿分嘅學神,不禁質疑付出同收穫係咪成正比。
.
***
1. 以下哪一句對人生有更大啟發,試談談你的看法。
一分耕耘 一分收穫
只問耕耘 不問收穫
***
.
後來,佢係社交媒體見到朋友作出啲虛假同偏激評論,留言反駁,造成罵戰,因為呢件事,佢更加失去幾個好友,俾人排斥。佢唯有靜靜地思考,自己力陳己見係咪值得失去嘅友誼。
.
***
2.求真與客觀是新聞報導的基本原則。個人在社交媒體發表言論時,這兩個原則也適用嗎?試談談你的看法。
***
.
***
3.好友與自己對社會議題的觀點截然不同,以下哪個應對方法最合適?
力陳己見 保持沈默 轉換話題
***
.
冇幾耐,單身四十年嘅佢終於識到個女朋友,之不過佢女朋友想以結婚為前題拍拖,佢就好抗拒呢樣嘢。結果拍拖十年,仔都生埋,始終冇結到婚。個仔入小學,諗住報吓興趣班俾佢,點知雙方意見不合,一個覺得興趣行先,一個覺得知識重要,兩個就嗌大交。見眼前人婚又唔肯結,又覺得佢唔為個仔好,女朋友因此心冷,帶埋個仔一走了之。佢諗唔明,佢嘅睇法有錯?
.
***
4. 一心:如果我談戀愛一定要以結婚為目標。
智賢:較著重戀愛,一次又一次戀愛很浪漫。
一心:這個想法沒有責任感!
智賢:難道你沒有聽過婚姻是戀愛的墓碑嗎?
試談談你對以下婚姻和戀愛的看法。
***
.
***
5. 家長為子女選擇課餘活動,以下為三個考慮因素,試以其重要性排列優次。
發展興趣 增長知識 強健體魄
***
.
到依家差唔多六十,依舊單身寡佬一個,日日返工放工之外乜都冇。回望過去,佢不禁思考究竟自己點解冇幸福。因為佢唔靚仔?因為唔夠樂觀?定係佢品格唔高尚?唔通單身就注定冇幸福?諗嚟諗去,都得唔出答案,於是就將條問題交俾各考生,希望有人解答到佢。
.
***
6.以下哪一種特質最能為個人帶來幸福?
吸引的外表 樂天的態度 高尚的品德
***
.
所以我哋嘅作用係解決佢嘅問題,唔好笑佢啦。

#唔好問我點解咁得閑係度打埋啲咁嘅嘢
#壓力太大要發洩吓
#大家認真讀書唔好好似我咁

#2018dse #中文口試
#schoolssecrets #schoolmatesapp #名校secrets


298

2018.03.15
[GUEST] 上堂唔俾用手機好似太小事了

#schoolssecrets
#schoolmatesapp
#名校secrets


128

文青們!機會黎啦!

香港國際電影節將會送出二十張電影節戲飛,follow 我哋 @schools.secrets@HKIFFS ,tag 個朋友同佢講聲你想係電影節睇到咩類型電影,就會得到戲飛兩張,名額十個。
Admin 抽唔中你都唔緊要,因為電影節一張學生飛都只係28 蚊。不妨用一餐老麥嘅價錢,入戲院享受下自己嘅時光。
提提你,中六嘅同學如果唔肯定拎星星嘅話就真係唔好參加呢個活動喇。考得好係你嘅,考得唔好你用"去咗睇電影節啲戲"嚟做籍口係冇用㗎,溫書啦你。
香港國際電影節:http://www.hkiff.org.hk/
#HKIFF #HKIFF42 #名校secrets
#schoolssecrets #schoolmatesapp


146

2018.03.15
[DBS][香港學校音樂節][mufest secrets]
今年mufest發生咗天大醜聞!臺灣著名作曲家及合唱指揮冉天豪指控香港學校朗誦及音樂節協會(HKSMSA)在未經他本人及出版社授權下,自行複印樂譜並販售圖利。

HKSMSA聲稱香港買唔到果份譜,就話得到香港某版權協會授權複印,然後賣俾參賽隊伍,仲要佢嘅影印本賣得貴過臺灣書店的正本!

更大的問題係,作曲家expect每個合唱團團員都會買一本練習,點知HKSMSA賣俾每間學校只係賣6份影印本。由於賽規限咗每隊至少要派出30個學生參賽,亦即係話HKSMSA變相鼓勵學校影印樂譜,俾學生share。先姑勿論咁係助長侵權行為,咁樣做係令到作曲家嘅收益大大減少。

香港學校音樂節其實經常有臺灣作曲家作品做參賽曲目,亦經常會請臺灣音樂家來港做評判。但今次侵權事件,HKSMSA無好好向受影響嘅冉天豪老師道歉,引起廣泛不滿,未來可能會導致學校音樂節受到亞洲音樂界杯葛,日後拒絕提供作品作比賽項目,或拒絕來港做評判。

希望HKSMSA快d跪低,做返應該做嘅事。

#mufest
#schoolssecrets
#schoolmatesapp
#名校secrets


32

2018.03.09
[GUEST] 我見到件好有型嘅衫

#schoolssecrets
#schoolmatesapp
#名校secrets


329

2018.03.08
[WYHK] 冇帶science workbook被老師記merit係咩玩法?

#wyhk
#wahyan
#menforothers
#schoolssecrets
#schoolmatesapp
#名校secrets


114

2018.03.05
[GUEST][hgss] 比薩斜塔卡牌

#求挑戰
#towerofpisachallenge
#schoolssecrets #schoolmatesapp
#名校secrets


55

2018.03.05
[GHS] 其實每個人都有自由既
放左學就應該有自己既自由:)
公眾場合人人都去得
點解得我唔得?

#學界田徑
#schoolssecrets
#schoolsmatesapp
#名校secrets


75

2018.03.03
[GUEST][已grad] 不會再一起穿著那起不起勁的校服上學了。

到了中學生涯最後的那幾天,學生們都會顯得特別的依依不捨,看待這個平時習以為常的校園都會因為臨近別離而變得不一樣,看着那多年來的仇人,也因為那張畢業證書而化淡了大家之間的誤解,眼前那個天天一起吃午餐,那個天天相約一起到球場打球,那個有心事為你分擔的朋友,心中有千言萬語想跟他訴說,但依然比不上那個親切的擁抱,感覺暖烘烘的。

面對DSE,我們曾經許下那個夢,那是一個屬於青春的夢,我們要一個上大學,讀同一個學系,然後為對方挑選男女朋友,到了成家立室那時候,我們要找到同一個小區,一起生活,互相照顧。我也不敢想像曾經的我們會許下現在看來那麼天真的夢。

DSE就像一把利刃,把我們的夢剪掉了,不見蹤影。因為它,我們走了兩條截然不同的路,你順利入了那個夢寐以求學系,將來畢業後,你會成為社會中的尖子,而我只是收穫了那張僅僅能修讀副學士的成績單。「只要你努力,我們一定能在百萬大道相遇的!」這是你在放榜那天跟我說的話,那種酸溜溜的感覺,我至今也不會忘記。「好,我會努力」我許下了這個愚蠢的承諾。

那天後,你社交網絡上載的是某補習名師的5**學生聚會。我留言:請食飯吧!你沒有回覆。我努力惡補自己的中英文,為那生硬的學分而打拼,一天,兩天,三天,我放棄了,從前在我想放棄時,都有你從旁鼓勵,現在身邊沒有了你,我已經沒法走下去。而你,上了莊,入了宿,大學生活多姿多彩,你在大學認識的朋友,取代了原本屬於我的位置。

我新年那天跟你說:「新年快樂,你最近過得怎樣?」 一星期後,你回了一句「還好,就是太忙了」
自此之後,我明白了我不再應該搵你了。

孩堤時代,總是發下了很多不同的夢,但原來童話世界都是騙人的。夢,卻是如此遙不可及。

今天我在拿起那件提不起勁校服,我找到了你在畢業那天為我寫下的字句。 「希望我們永遠都可以好像現在一樣好感情,一起上大學,永不分離,我愛你!我的閨蜜!」 #閨蜜 #schoolmatesapp #schoolssecrets #名校secrets


357

2018.03.03
[GUEST] 對我嚟講,用温柔善良嚟計分嘅表感覺太空泛,根據本毒嘅立場做左個女友計分表:

1.會比你打機
2.識打機(唔太雷)
3.肯陪你打機
4.唔單獨同其他男仔打機
5.打機唔亂發脾氣
6.主動揾你打機
7.介紹打機frd比你識
8.願意同你啲frd打機

有5個以上,喺我就即刻娶左佢唔諗。

另外,大家都有各自嘅興趣,如果女朋友唔中意打機呢樣嘢就唔好強求。

因為上述呢啲咁好嘅打機女友通常都喺天生。

#schoolssecrets #schoolsmatesapp #名校secrets


703

2018.03.03
[OVERSEAS] 懶人包:我係一位癌症康復者,而家疑似復發,唔知點算,如果再次確診,我好想了結自己。

故事真係好長好長,唔好意思。知道我係邊個嘅唔好 Tag 我。

我爸爸媽媽都係精神病患者。雖然佢地對我好好,但係難免影響得我好犀利。由細到大,每次鬧完交,爸爸 or 媽媽就會同我傾計,同我「呻」,不斷數臭對方,又話自己好大壓力好想死。鬧完交阿爸就成日掟野,然後匿埋係垃圾房,阿媽就淨係識食安眠藥,跟住 send 幾廿個 messages 同我講想同爸爸離婚,教我之後點樣生活,有時之後又會話「因為我」先留喺呢個屋企,有時又會話佢死左之後我要堅強。。。所以自小,我鍛煉到甚少同任何人講唔開心嘅野。因為每次同父母講,佢地會去投訴學校最後搞到我。即使係小事到欠交一份功課,佢地都會表現得非常唔開心非常大壓力咁,會不斷發自己脾氣。每次我同佢地講完只會更唔開心。。。但係佢地又吾肯睇醫生。

中四上學期,確診。

果時嘅我決定唔同任何人講,自己搭上深圳醫,攞晒自己過去三年啲獎學金/利是錢出黎,左借右借,加埋 weekend 幫人補下習,湊到一部份嘅醫藥費。點解咁傻? 可能同其他朋友嘅諗法一樣,呢個決定真係好愚蠢。本身我地屋企窮,當時爸爸供緊貨車,又供緊家姐讀書,嫲嫲又癌症末期要好多錢買標靶藥同準備身後事。幫我家姐申請學生貸款果陣,我有睇過屋企啲經濟狀況,系無可能比多十萬蚊出黎比我醫病,我果隻藥又吾係藥網入面。同埋屋企成日彌漫住一種人人壓力爆煲嘅氣氛,我好相信,講左,我嘅心理壓力只會更加大,就好似之前咁。作為佢地嘅仔女,我會知道我講左出黎,佢地可能真係會跳樓死。算啦我都知解釋完呢個決定都吾系好理性。我錯喇。

我冇停學。
應付考試,幫人補習,來回醫院合埋三個幾鐘車程。。。我唔知自己點做到,我淨係知果年幾係比死更難受。大壓力到訓唔倒不在話下,因為啲藥成日嘔,無胃口食野,長時間無心情。好多好多個晚上,我就匿埋喺廁所不斷喊,撞到阿媽痾夜尿,就笑住講自己只係肚痛,佢走左我又繼續喊。係呀我知我係自己攞嚟啊,係我選擇唔同人講。直到有一次我係 Bestie 面前「病發」(有symptom 出黎),我先決定講出黎,叫做有返少少 support.

仲記得有一次,唔知邊個 spread 左出去,我偷聽到有人喺班房討論緊我好似喺度扮重病搏同情,然後我行埋去親自解釋:「我緊係冇 cancer 啦,有我仲會返學?」果一刻,我個心真係難受到一個點。之後我甚至唔敢喺班房訓咁耐,lunchtime 就去廁所訓覺叫我 bestie 幫我買飯。

好多時候我同啲 Friend 講都吾系100%講晒成件事,可能太難開口,有時好驚佢地唔會信,就掟左好多證據比佢地,但係掟完我覺得某部分 friend 都係會唔信。尤其是有啲 Frd 讀緊醫更加會變得過份理性。 所以之後我冇再提lu,就當呢個喺佢地心目中嘅「大話」成為過去。

去到升中六嘅暑假,我發現我真係爭太多街數。我見果時屋企財政壓力無咁大,而自己都接近好返唔需要太擔心。所以同左阿媽,家姐同姨媽講(爸爸到呢一刻都吾知),用左一兩萬清左尾數(所以最後我都幫屋企慳左好多,不過算啦我知係我錯)。 到左中六,因為好多原因,可能係想放低以前追左好耐但係追唔到嘅果位女仔,亦係因為想離開屋企人,想放低果兩個比死更難受嘅年頭,所以用盡一切辦法,考左好多個試,通宵左無數個達旦,終於攞到唔錯嘅成績,攞到獎學金去外國讀書。

只係嚟到外國,朋友唔多,成就唔多,自己亦唔甘心為左啲吾知咩嘅原因過左嚟,讀嘅野又吾鍾意。人就變得抑鬱,去到兩個星期前,確診埋抑鬱症。好就好在呢度嘅mental health support 好過香港好多,可以好頻密咁接觸到醫生社工等等,但係都冇乜好過。我冇同 friend 講太多(講左小小啦),因為佢地個個都好似好忙好大壓力咁,同埋,我好討厭果種不被相信嘅感覺。

到左最近幾日,當年嘅 symptom 出返嚟,初步諮詢過醫生,我大概知咩事架喇,之後會再去檢查確認。我未同任何人講,亦冇勇氣講。咁多年黎好似我都係做人哋嘅樹窿。我知我有好多嘢好想做,做老師,搞生意,做小說家。。。但係有啲我都做緊喇例如窮遊歐洲、寫小說。但係言歸正傳,我一諗到確診復發,一諗到食嗰啲藥、嗰啲副作用、嗰種訓唔倒、屋企、未來、愛情、錢。。。我又可以點樣?有時唔系個問題解唔解決到嘅問題(醫生都講過,復發醫得返嘅機會係冇咁高),系我已經太辛苦,太耐太耐,又或者從來都未經歷過無憂無慮嘅日子。我咁辛苦捱過果兩年系為左咩?為左兩年後嘅今日重新開始捱過? 好多 Friend 話我好聰明啊轉數好快啊,哈哈,但係我而家淪落止此。 「我是否要到了那草長鶯飛的地方,
才能初嘗幸福的滋味?」
「我知道生存的意義,
但我更懂痛苦的真諦。」
「也許我是世上最愚蠢的人,
用一生的時間封閉自己,
在無人問津下結束一生。」 4月23日,還有51天。

#cancer #getwellsoon
#schoolssecrets #schoolmatesapp #名校secrets


611

2018.03.02
[GUEST] <<呼籲女孩們喜歡自己身體的故事>>
.
由小六開始,聽到一個好瘦好瘦既女同學話減緊肥
我既減肥故事亦都由小六開始
個陣食飯只係食少少,食完30分鐘企係度因爲女同學話食完飯坐會肥
但小學既恆心好細,形象亦冇依家咁多比較
所以中一並冇再理會體重,直到中一暑假
每日只會食水果,食乳酪
身高到中二高左5cm,但體重冇重過
好多人話我靚左,有人中意自己
一切一切令一個中二女生非常有成就感,覺得好受歡迎
但一切一切就由中二起有變化,
原本既體重因為開始被冤枉而排斥,同昔日所謂朋友關係令我暴飲暴食而上升
升到55 kg,對大部分人而言,
可能只係肥,對我,
係痴肥。
.
開始學識扣喉,飲保瘦麗(一種有瀉藥成份既茶)
會因為食多扣喉,而喝茶
甚至去到一個點,一包瀉茶包唔得,
飲到兩包,到四包,
去到一個地步我直接唔沖水,就咁食茶葉落肚
但一直到中三中四中五體重都係維持50kg並冇再瘦,
對一個只有15X的女仔,仍然係有肉地,對我,
仍然係痴肥。
.
到中六,因為DSE既壓力,開始反覆節食暴食,
一日可能只係飲咖啡,只係飲4罐無糖Red Bull,
然後突然有日會瘋狂食,什至自己唔中意既朱古力,都塞入肚,然後催吐,
體重仍然不變,但我身體已經有一大堆毛病,
因為亂食瀉藥,我開始便秘,會想再食瀉藥
因為不停因咖啡因飲料,我開始覺得心臟位置好痛
幸運地,我意識到問題,我捱過了,我冇再依賴咖啡因或者瀉藥,雖然未到愛惜身體,但起碼停止折磨佢
但去到大學一年級,新環境下,內向的我,冇識任何新朋友,冇參加ocamp
永遠自己一個食飯,所謂食飯,由真係食下野到只係去飲一杯咖啡,體重仍然係50kg
到大學一年級,比我係睇外國youtuber中吸收到veganism,
只係單純因為減肥,我決定唔食肉蛋奶,第一個星期,前所未有地感到舒適,我開始覺得自己有精神,我開始覺得有能量,想做運動,體重自然地到45kg,我識到第一個男朋友,一切一切都好好,雖然唔到愛惜身體,但我覺得自己好返啦。
我以為。
.
同男朋友一齊既時間,佢好中意見到我食野,我不停食,食到又升返上48kg,但當下我冇在意體重,拍拖所謂的幸福肥,
但後來到50kg,我又開始,偷偷地,同佢食完飯,去嘔,開始唔想同佢岀街,因為一岀街代表我又要食,但都一齊維持住50kg。
.
後來最近,2年後,我同佢分手了,
係1個月內,我由50kg開始暴跌,我開始唔食澱粉質,開始戒糖買好多sugar free好似stevia 取代飲食,只係食生果或者咖啡,每日計算卡路里到800以下,什至更少,飯包同粉對我係諗到都覺得嘔心,迫自己食飯只會換黎催吐,我唔敢掂
對我,生命已經冇野可以控制了,除左體重
我望住塊鏡入面我愈黎愈肥,但體重就一直下降,好開心瘦緊,但又好擔心自己。
.
直至今時今日,我既情況都係冇改善,什至今日去試衫著到最細碼都鬆,依然覺得好肥。
.
我唔知我有冇飲食失調,我冇睇過醫生,我亦覺得有ED既人應該唔會覺得自己有問題所以唔信自己有病,而我覺得自己有問題,但我竟然係想繼續有問題哈哈
.
而我打一篇咁長既文章,
可能係想獲得一點關心,更想講既係,
我呢段咁長既故事,我身體既人係絲毫不知。
好想講係多啲留意下身邊人,好想同人講all size is beautiful,好想同同我類似經驗既人講聲加油,或者只係單純好想打篇文,抒發已經好攰既自己。 ====== ps 可以幫我Update下嗎。我係早前打一推野叫人愛惜身體的po主, 多謝有叫我加油既人,然後更多有叫我做運動既人。可能係我冇提到,但我係有運動,依家什至到由每晚做到早晚一次,冇做運動會好驚肥。 我知放上互聯網求安慰係幾蠢。對唔住呀大家

#schoolmatesapp
#schoolssecrets
#名校secrets


362

2018.02.27
[STGSS] 班師兄師姐真心好勁... 係last day黑板畫啊!

#stgss #沙官
#schoolsmatesapp #schoolssecrets #名校secrets


91

2018.02.26
[GUEST]
老師:各位同學新年快樂 試下用四個字形容主經常與你同在(正解為以馬內利)
.
同學:與神同行!!!
.
#schoolssecrets #schoolsmatesapp #名校secrets


154

2018.02.26
[2018DSE][地區名校] 去親自修室都遇到D好黑人憎既行為 Top3

一) 乜都望 隔離總有條友成日望你 包括你去廁所 溫書 睇補習片 飲水 每隔30mins一次 準時過嚟M 其實好煩好燥 想坐係度望返佢一個鐘 等佢反省下自己 唔好再做人肉cctv

二) 張椅拉到勁出 塞住條走廊 叫十萬次唔好意思都淨係空出1cm位俾你行過
三) 係自修室大聲傾計 仲要唔係學術野 試過戴耳機都聽到有人係自修室公然溝女 調情etc
為人為己 係自修室就溫自己既書啦 唔好騷擾人地啦😕😕 Sorry for 1999

#schoolssecrets #schoolsmatesapp #名校secrets


203

2018.02.26
[SJC] 話說今日嚟咗個插班生

#sjc #schoolssecrets #schoolsmatesapp #名校secrets


188

2018.02.25
[GUEST] 幾時到我地?

#schoolmatesapp #schoolssecrets #名校secrets


435

2018.02.24
[GUEST][長文] Your future lies in your hands
我聽日去外國讀書喇,琴晚我阿媽同我講左一個秘密。

平時出街d人成日以為我阿媽係我家姐,因為我阿媽係80後,我16歲,佢35歲。我知阿媽讀書讀到中六,之後就全職照顧我。細個覺得阿媽雖然讀書唔太多,但係話頭醒尾,英文流利。

點解咁叻既人唔讀書呢?應該因為有左我喇。

琴日我阿媽問我有咩夢想。

傾左一陣之後阿媽拎張2000年香港中學會考成績出黎,除左Additional Maths攞C之外,其他7科全部A。那一年,佢既夢想係將來大個做一個律師。

最後佢做左我既律師,其他人無理批評我果時幫我辯護,平時教我待人接物。

我阿媽話,其實做我既律師都係一件非常高興幾事,佢好開心可以有我咁樣既女,同埋可以同爸爸一齊睇住我大。

當我覺得好感動之際,我阿媽話去到外國要小心識朋友,無論如何屋企都支持我,但係要想長遠。之後阿媽捉住我對手,講左句:your future lies in your hands.
其實我阿媽係咪後悔當年自己既決定先咁提醒我架呢? 🤔

#schoolsmatesapp #schoolssecrets #名校secrets


46

2018.02.22
[2019DSE] 見到之前有人講學業壓力,我都想係度分享。

我係2019dse既考生。低form嗰陣我成績一直都係下游,甚至考過包尾。

升到高form,我立心發奮讀書,希望一改我係老師讀書差既印象。由中四既第一次測驗考到全班頭十,全級頭三十。嗰次温書我超級緊張,每晚瞓教温唔哂啲書都會好自責,係咁喊同𠝹手。

自此之後既測驗考試都係一直退步。自己好想好想讀,但真的有心無力。每一次測驗考試,屋企人都無畀壓力我,唔會太理我成績,亦都無話一定要我入大學,壓力既就只有自己畀自己。學業壓力愈來愈大,令我每一日都好頹,無心機温書做功課,咩都唔想做,每一日都係度喊,街都唔想出,好似置身係黑暗既世界,每一日都好想死。面對住其他同學屋企人,我仍然會笑住面對佢地,每一日都帶住面具。久而久之,我確診患上抑鬱症,要定時食藥同覆診。

正當只有自己給自己的壓力已經患上精神病時,係過去的家長日,全程20分鐘班主任就不斷話我成績有幾每況愈下,列哂百幾曰翻學就dse,一年時間就公開試,新年假翻十幾日學就測驗,新年假得13日要我好好分配時間,唔好打機。

就因為過咗個家長日,接下來的新年假每日聽到既就只係温書温書同温書,就連初一拜年都叫我帶書温。

成個假期同我講既每一句話都係圍繞住
1)要温書啦 2)仲未温書既
3)打機就成世都打得 dse就一半咋
4)你睇個新聞話個女仔為左dse唔用fb ig一年 人地勁有耐力
5)Msxx都識得講得13日咋個假期 你睇你做咗啲咩
6)仲有1個月就測驗啦
7)你唔係靜係應付考試㗎仲有公開試㗎 做人諗得長遠啲
8)你唔用電話一年 之後用幾十年啊

試諗吓自己都知道係要温書
但係你見到啲書就好想撕爛佢 就係咁打機 咩都唔想做
個腦就係咁提你仲未開始温書etc
跟住就會係咁怪責自己點解咁垃圾
再會咩事都無發生過會無啦啦喊同𠝹手
再加埋每一日啊媽都講以上既嘢 變咗我而家每一日望住佢我就好似見到温書依個字咁 日日都咁樣正常人都應該唔夠頂得順 更何況我需要靠藥物先情緒稍穩定既人?
我想像唔到咁樣既生活我點樣捱到一年。
我想死 但唔想令到親人朋友傷心,我有好多活下來的理由。但也是一種痛苦。

我希望來一場意外讓我有理由逃避世間,又或者犧牲我拯救另一個生命,讓我消失於世吧。

#2019dse #hkdse #suicide
#schoolssecrets #schoolsmatesapp #名校secrets


206

2018.02.20
[三大] 點解我父母係first hon?
父母出身寒微,一直靠考第一攞獎學金同贊助讀書讀到大學攞一級榮譽,最後兩個都成功成為專業人士,收入穩定
唯一嘅細佬考試除非比唔鍾意嘅老師教,否則一直都係straight A
屋企裡面唯獨是我讀書平平
老豆一直相信「只要你有努力有比心機,就一定可以考第一」
然而我永遠都回應唔到佢地嘅期待
Form5有次突然係學校發燒,老師都想趕我返歸休息,但當我打電話問老豆可唔可以返屋企休息個陣,佢答:
「你都尾二個堂咯上晒啲堂再走啦」
結果我放學之後去睇醫生個陣係個診所暈咗
升中六個年暑假讀書讀到唔知道自己病咗,一時清醒返之後發現自己入咗醫院
老豆第二日探我個陣,帶咗一袋ielts past paper比我練習,又幫我帶埋部電腦去醫院叫我快啲做完份lab report
最後放榜都係差兩分,入唔到志願,只可以讀水抱科
不過假假地都係三大,我居然以為父母會為我嘅小小成就感到自豪
之後每一日兩老放工之後都淨係會問
「你溫咗書未」
「睇咗文未」
「reading有冇jot notes」
「睇咗幾篇文」
「有冇印出嚟,比我檢查吓」
開學個陣因為各種勞累,所以發咗幾日燒,個陣問兩老可唔可以請一日病假,佢地話
「你咁都請病假?」
sem1出咗成績,GPA冇3,我好記得個時老豆嘅眼神好似想殺咗我
我永遠唔會忘記佢隻眼紅晒咁鬧我:「你知唔知對住你好辛苦啊,我命都要短幾年啊!」「開學咁多個月從來冇見過你讀書!」
我阿媽企係隔離,係老豆鬧完我之後,拉我入房,好冷靜咁講:「抵你嘅」
我細佬都好似覺得我好惡心,一見到我就鎖埋房門一句話都唔同我講,我有時唱句「love me like you do」,佢就大叫話我想強姦佢。

有好多同學,聽到我父母係專業人士,知道其中一個係大學教授,都只會話
「哇我真係好羨慕你啊,你父母一定好支持你讀書」
「你屋企一定好似天堂咁」
「你屋企一定有錢到爆啦唔係撈啦你」

其實,作為一個不良品降生係一個咁優秀嘅家庭,我真係每時每刻都覺得人間失格
其實讀書讀到又失眠又甲狀腺腫脹又脫髮,都只不過係想父母可以同我講一句「辛苦你喇,你做得好好」啫
而家我每晚唔用絞剪插自己手臂插到見血我都訓唔到
就算勉強訓到都會發惡夢
照鏡見到自己會覺得自己好噁心
會控制唔到自己暴食然後嘔晒出嚟
每一日都好想死

只不過,如果有一日我自殺上咗報,希望報紙唔好話係因為怪獸家長
反正都只係我冇做好人生規劃,唔夠抗壓啫
抵我嘅

#schoolmatesapp
#schoolssecrets
#名校secrets


655

2018.02.19
[GUEST] 唔知2018DSE有冇共鳴
《這麼近那麼遠》
書本這麼「近」,家人那麼「遠」!
。。。。。。。。。。。。。。。
春節離家溫練習,修室滿座短訊繁。
相思偶別傳千話,但見同舟進退難。

#hkdse
#2018dse
#schoolssecrets
#schoolsmatesapp
#名校secrets


40

2018.02.19
[GUEST] 學校farewell有人畫咗啲咁嘅嘢出黎
個個仲要戴住黎影相
到底發生咩事。。。 #schoolssecrets
#schoolsmatesapp
#名校secrets


299

2018.02.18
[2018DSE] 唔知大家有冇睇冬奧呢?由中四開始,我就鍾意左羽生結弦——今屆同上屆嘅冬奧花滑冠軍。

最初只係覺得佢係冰場上嘅姿態好靚,追追下發現佢真係好努力、好博。以前我係個好差嘅學生,覺得自己蠢,點讀都唔會讀得好。但佢嘅經歷話比我知,原來一切才華背後都有無盡血汗,資質只可以決定人生嘅起點,而無法限制你嘅終點。因為佢我開始發力讀書,仲自學日文。今日見到佢實現到自己嘅目標,除左開心以外都係開心。仲有44日開考,希望我都可以達成理想。

今日見到佢講左好多句「ありがとう」,其實最應該講多謝嘅係我地,多謝你將最好嘅一面呈現比我地睇,多謝你將陽光帶黎我嘅世界。

#2018dse
#ありがとう
#olympicgames
#羽生結弦
#schoolmatesapp
#schoolssecrets
#名校secrets


707

2018.02.17
[SMCC] 新年快樂!希望舞龍舞獅的傳統舞蹈一直流傳下去!

#cny #smcc
#schoolssecrets
#schoolsmatesapp
#名校secrets


31

2018.02.17
[另類OVERSEAS][AFRICA] 非洲絕對沒農曆新年氣氛,而且因為我唔係住南非,而係d落後地方,所以得我自己一家食團年飯,that’s all.
星期五年初一返學,我個英國人英文老師竟然同我講Happy Lunar New Year,仲話自己40年前住過香港。

然後仲......
比左封利是我(!!???) 打開其實得幾個好難食既朱古力金幣,不過呢下真係感動左😁

我返屋企請左比阿爸阿媽食,佢地話好好味😆
我:「真係咁好味咩?」
阿媽:「味道5分,心意99分」

之後我阿爸話不如送包馬莎餅比老師食下🙈

#cny
#africa
#schoolmatesapp #schoolssecrets #名校secrets


140

2018.02.17
[GUEST] 給所有家長:

之前小學因為流感爆發而停課
身為一個2018dser嘅我
心酸ge並唔係因為中學無得停課
而係睇新聞個訪問個時

當記者問家長點睇停課嘅安排
十個入面有九個都只係話對子女嘅學業無咩影響,甚至有家長話好彩啱啱考完試,所以唔會阻到學習進度,但對子女嘅健康隻字不提,唔同子女嘅學業真係重要過其身心健康?

小弟聽過唔少家長迫子女學各種樂器,補習多過一班文憑試考生,為ge只係比子女入到心儀嘅名校,希望子女grad咗之後可以更成功,更有競爭力。但身為一個由地區名校轉去某間band2/3?讀書嘅2018dser,好想講無論咩banding 嘅學校其實都無咩分別,你嘅子女想讀書去到邊都會讀書,同樣佢想hea讀去到邊都會hea咗個6年。 而對於我,我甚至認為band2仲好過band1(特別係band1尾個D),為咗升上band1中甚至頭ge學校成日都有測驗,一星期,五個上課天,每個上課天都有測驗,默書,個時ge我真係讀到想跳樓自殺,漸漸失去生存ge意義,而且一D所謂band 1 ge學校只係會重點培訓成績好ge同學,相反考得差,年年包尾ge,衰D講句,食屎la你,唔好降低學校ge入大學率啦。個時正正因為呢個原因,小弟開始覺得讀書有咩用呢,讀唔讀都係炒,都係會比人少嫁啦,慢慢失去讀書ge熱情,想讀VTC ge學徙課程,挑避呢D學業壓力。 好彩最後轉左去間band2ge學校,轉校後我開始尋回失去多年ge自信,而且無論你成績好定差,老師都好願意教導你,甚至抽時間幫你補課 所以我想講咩banding ge學校其實並唔重要,最重要ge只係你子女到底對咩有興趣,對咩學科感興趣,當學科配合同學ge興趣,同學,子女自然更願意用心讀好個科la 最後,各位2018dser加油呀,撐埋落去💪💪 PS:from 其中一個2018dser

#dse #tsa #bca
#schoolssecrets
#schoolmatesapp
#名校secrets


28

2018.02.17
[KC] 恭賀新禧
happy chinese new year
あげおめ
狗年摸狗會唔會吉利d呢(( #cny #kc
#schoolsmatesapp
#schoolssecrets
#名校secrets


45

2018.02.16
[TLGC] 各位,戰爭嘅號角聲已經響起,大家今日幾勝幾敗幾平手?(๑•̀ㅂ•́)و✧

#cny #redpocket
#tlgc
#schoolssecrets #schoolsmatesapp
#名校secrets


30

2018.02.16
[GUEST][ccpass] 學校AIA

#spinchallenge
#schoolssecrets
#schoolsmatesapp
#名校secrets


557

2018.02.16
[HYS] 新年快樂🎉
謹賀新禧

#hys
#schoolssecrets
#schoolsmatesapp
#名校secrets


38

2018.02.16
[GUEST] 我終於知道點解我隻青蛙一去冇回頭

#cny
#schoolsmatesapp
#schoolssecrets
#名校secrets


290

2018.02.15
[SSC] 《拜年寒暄教學 — 新春 ﹒ 團拜 ﹒ 反擊戰》

上映日期︰2018年2月16 - 21日
上映地點︰三姑六婆屋企 ---------------
問題一︰讀邊間學校?Band幾? -
(如果Band 1)
答︰我讀緊 xxx 書院啊
問︰嘩, 名校喎, 第時入HKU啦一定, 諗住做醫生定律師先?(施壓....)
答︰其實讀名校都唔一定入大學嘅, 同埋就算入大學都唔一定入HKU, 其實升大學仲要揀科, 唔可以淨係睇係邊間大學。同埋而家社會好多元化, 都唔一定要做醫生律師ibanker架喇, 其實如果唔太outdated 都知而家打機都可以成為電競選手, 市場潛力都好大, 你都應該聽過啦?(反攻)

係呢, auntie, 你以前讀邊間大學呀? -
(如果非Band 1)
答︰我讀緊 xxx 中學, 都唔係D咩 Band 1或者名校, 不過我相信讀書都係主要靠自己, 唔係話入到邊間中學就一定寫包單一定入大學, 又或者一定飛黃騰達嘅, 最緊要努力做好自己啦~ (全身而退) ---------------
問題二︰DSE 準備成點?預計考到幾多分? -
答︰都係一路溫緊啦, 過埋初三我又要埋頭溫書架喇

至於考到幾多分, 真係預計唔到喇, 你知啦, 好多嘢都預計唔到
就好似上一、兩個禮拜, 美股無啦啦急跌, 跌咗300幾點, 你點估到
咁D人又以為美股急跌, 港股又受影響, 點知又無喎, 反升100幾點
所以邊有得估架

係呢, auntie, 有無買美股啊? 香港恒指呢? 牛熊證呢? 有無斬獲先? 嘩, 咁犀利?.....咁你俾我封利是一定唔會淨係得$500咁少啦! (反攻) ---------------
問題三︰仲咁瘦/ 肥嘅?無做運動呀? -
(如果瘦)
答︰有食嘢呀! 有做運動呀! 但而家青春期嘛! 年青人嘅basal metabolic rate高吖嘛!(一定要講英文, 一般嘅三姑六婆應該會知難而退) (但如果係面皮厚嘅三姑六婆, 咁就講多幾個英文terms, 唔洗知自己講緊乜, 最緊要係講英文)
答︰除咗basal metabolic rate高之外, 仲有好多factors 影響肥同瘦嘅, 但係我每日吸收嘅carbonhydrate 都唔少, 總之每餐都夠晒essential nutrients啦, 讀過少少書都知, 肥同瘦都唔係健康與否嘅唯一index, 所以你都應該明啦~ -
(如果肥)
答︰而家青春期嘛! 營養吸收梗係比較好D! 唔同瘦孟孟好? 肥肥地先有福氣! 你睇好多明星年青時都有baby fat! 人到中年就會愈黎愈瘦, 愈黎愈靚架喇! 你呢 auntie? 平時做咩運動? 咦? 做完好似無做咁喎! 有無量過自己 BMI? ---------------
待續....... (大家集思廣益)

#ssc #聖記
#ststephenscollegestanley
#schoolmatesapp
#schoolssecrets
#名校secrets


52

2018.02.15
[GUEST] 可唔可以分享下新年點應付班親戚

#cny
#schoolssecrets
#schoolsmatesapp
#名校secrets


114

2018.02.14
[GUEST] 一年又過去了, 話咁快又到情人節。 我已經唔再係A0族嘅族人,

因為我變咗做A-3。

我第一次表白的對象,

好靚,好溫柔 ,令我的心溫暖起來

第一次表白,得到的回答是「 我當你是我的弟弟」(A0 -> A-1)

我第二次表白的對象,

她沒有那麼漂亮,但她更加溫柔,很善解人意

第二次表白,得到的回答是「 我不喜歡你, 我們永遠也不會喺埋一齊」(A-1 -> A-2)

我第三次表白的對象

是我這輩子到現在見過最美麗的人,她的笑容也很吸引

第三次表白,得到的回答是「 我已經有男朋友了」(A-2 -> A-3)

第三次心碎,果然特別痛, 只能令我想起一句歌詞。

碎了的心再碎,獨跌坐失意裏

我獨自走到街上,搵咗一個唔阻訂嘅地方坐。 「紮花好靚呀!多謝你呀!BB!」 在不遠處,有一對情侶。 「唔使多謝,我錫曬你!咪住!點解會有電燈膽坐喺嗰度?」 那個男孩說。 「 唔好理呢啲單身狗、死毒L, 走啦我哋去食飯!」 那個女孩說。

隨著他們遠去, 我不禁想,單身有罪嗎?

其如說單身有罪,應該說我擺脫不了單身。

我不禁回想起 那三次表白失敗。

點解一個生得咁靚又溫柔的女孩不屬於我呢?

唔通連個天都唔鍾意我?

不過廣告都有話過,凡事冇絕對嘅。

這是一個懲罰, 因為我沒有遵守承諾而必須受到的懲罰。

十幾年前, 我認識了一個叫做小慧嘅女孩。 我跟她約好了,要守護她一輩子。

但係我唔記得同她攞聯絡方法。

小慧,雖然我唔知你喺邊度。

但係我同你約定過架, 我要永遠守護你。

我相信總有一日,我哋會再見面,會找到對方。

在那個時候,再讓我守護你吧,即使要以生命作為代價。

因為我的愛,就是要讓我守護你。

#vday
#schoolmatesapp
#schoolssecrets
#名校secrets
#a0
#a-3


590

2018.02.13
[WYHK] 總覺得今天特別長

像平時過了兩天那樣長

Sorry for 1999

#wyhk #wahyan #vday
#schoolssecrets #schoolsmatesapp #名校secrets


105

2018.02.12
[HYS] 只要有恆心
到處都係自己嘅畫布😂
#浴室challenge

#hys #heepyunn
#schoolssecrets #schoolsmatesapp #名校secrets


74

2018.02.12
[WYK] 中文的奧妙

#wyk #wahyan
#schoolssecrets
#schoolsmatesapp
#名校secrets


133

2018.02.12
[GUEST][hksc] 今日去一個新移民嘅同學屋企教佢英文,佢2x歳讀紧中4係内地淨係識abc .
佢好勤力學
.
I go to sheung shui by minibus and change mtr佢讀左100次比我聽,其實讀書有啲嘢係遲左啲但學無前後達者為先,佢仲教埋6x歳嘅媽媽去講,佢媽媽完全冇接觸過英文都講到,我個心真係好佩服佢地,讀左咁多年英文嘅你地一定得咖唔得咪好似我同學咁做多啲練習啦,各位加油

#schoolssecrets #schoolsmatesapp #名校secrets


42

2018.02.11
[另類OVERSEAS] [長文]«我在非洲的第一次»

由細到大我讀書都係是是旦旦,阿媽送左我去間名校讀小學,但係工作忙到完全沒時間理我。我好隨意咁讀書,讀到入唔返自己中學,最後揀返自己區先入到大西北英文中學,好似比人發配邊疆咁,自己一個人從新識過d朋友,繼續輕輕鬆鬆又一日。最近我父母因為工作關係,我地一家就去左非洲住。就係咁,我就發配去比大西北更邊疆既非洲,考過一個全MC既英文同數學考試合格左就開始同一班當地人做同學。

入學時我淨係知間學校係英文中學,行英國制度,係當地名校,同埋校長話學校有體罰,不過通常只會用於非常頑劣既學生。我一向無所謂,本住開開心心又一日既心情繼續享受生活。

一返學,嘩!x!人人鬼咁認真!原來間學校每年有10%畢業生會拎獎學金去外國頂尖大學讀書,另外又有一半會去歐洲升學,其餘留當地讀專科例如nursing。我仲以為非洲一定水準好低,點知英文同英國文學係兩個幾十年前oxbridge畢業既阿婆老師教,堂堂問書,個個星期要寫commentary。除此之外仲有勁多science同maths功課日日要做,我第一個星期收到既功課量好似香港放長假之前咁多!!! 或者以為我hea讀開,真係唔係好做得完d野。maths同science係勉強ok既,計數可以好快。英文同英國文學就好煩,交左一份就唔想再做第二份。慢慢就有老師黎追收功課,唔比recess呀咁。

響香港讀書我會間中唔交某科功課,間中要留下堂補做返少少。上個月英國阿婆老師終於忍唔住,話要留堂補做。為左表示少少誠意,我做返第二份功課,諗住到時補做少少就算。

點知一入到去個課室有三個老師(!!!?)
一個指住我鬧,一個叫我雙手擺枱面,一個話要打我(!??) 就係咁,我就係思緒混亂中人生第一次比人打左成6下,堅痛。我從來沒比人打過,所以有三個凶神惡煞既人走黎拎cane黎大力打落黎真係嚇死我痛死我。當我哭成淚人咁,英國阿婆老師出場。我以為佢會鬧埋我一份啦,點知原來佢係流緊眼淚(!)然後好語重心長地勸我唔好浪費自己既大好天資。之後都仲要留低補做,一坐低果下真係百般滋味在心頭。

不過之後都係要日日比阿婆老師留堂補做返d功課,做左5日先做返晒。經過呢個恐怖經歷我當然唔會再唔交d功課啦,而阿婆老師又會趁機教育我:事實證明要做係做到既。不過,想唔想做係另一回事啦。

其實我又唔會話咩好驚老師以後怕左返學果d,不過經過非洲的第一次之後,我成日都諗,

做人究竟開開心心又一日hea住好,定樣樣野追求卓越好呢?

呢度學校d老師相信知識改變命運,但係改善生活既最終目的唔係就係想自己開心咩?

PS 識我既唔該唔好tag我😅 我阿爸阿媽唔知我比人打架,費事佢地一陣投訴學校啦,而且我自己都有唔啱既

#overseas #Africa
#schoolsmatesapp #schoolssecrets #名校secrets


198

2018.02.10
[WYHK] IVE堂經典活動

#wyhk
#wahyan
#schoolssecrets
#schoolsmatesapp
#名校secrets


69

2018.02.10
[GUEST][cmt] 逃學威龍仲有無人識?頭先重溫一次發現呢樣......
.
#schoolssecrets #schoolsmatesapp #名校secrets


49

Challenge✔️
#chairs
#schoolssecrets


2

2018.02.07
[DBS] 求挑戰
[RC] 挑機
[SKHLMC] challenge accepted! 弄了挺久der

#balancechallenge
#dbs #rc #skhlmcss
#schoolsmatesapp
#schoolssecrets
#名校secrets


332

2018.02.07
[GUEST] 我地學校有科elective叫做Chinese Literature,但系學校將佢簡寫做C lit之後仲印系時間表上面……
.
技術上黎講系冇錯既,但系搞埋啲咁既笑話出黎我都有啲唔好意思同人講我地系英文中學XD
.
(PS唔知道我講緊咩既唔系好建議你地查字典,不過查下字典當增長見聞都系好事黎既)

#schoolsmatesapp
#schoolssecrets
#名校secrets


294

2018.02.07
[SPCC] 國際超難數學大難題

#schoolsmatesapp
#schoolssecrets
#名校secrets

Pic source/ news: https://www.google.com.hk/amp/s/www.bbc.com/news/amp/world-asia-china-42857864


370

2018.02.07
[DBS] 曾經有一位偉人說過:
.
"流感來了,停課還會遠嗎?"
.
#全港停課
#小心冷病
#schoolsmatesapp
#schoolssecrets
#名校secrets


234

2018.02.06
[GUEST] DBS專屬車牌

#dbs #dbs4ever #dsoba
#schoolsmatesapp
#schoolssecrets
#名校secrets


68

2018.02.06
[GUEST][sts] 之前有走火入魔嘅物理老師
依家又走火入魔嘅無聊同學

#schoolsmatesapp #schoolssecrets #名校secrets


265

The end of the page