#黑心商店

Instagram photos and videos

#黑心商店#hkillustration#haksumshop#blackcomedy#scary#watercolor#貼紙#香港插畫#illustration#ig#插畫#horror#hkig#drawing#postcard#明信片#農曆七月#鬼節#鬼故事#中元節#香港鬼故#鬼月#鬼故#sticker#diy#d2place#週末好去處#market#市集#七月#盂蘭節#港島#apm#水彩

Hashtags #黑心商店 for Instagram

by @haksumshop

震驚!港鐵三線故障並非意外!
全因三方惡靈侵襲地底?
❌❌本故事純屬吹水虛構 人類切勿認真❌❌
港鐵今早出現信號故障,導致荃灣線、觀塘線及港島線列車需要慢駛,上班一族大受影響,車站人龍多達數百人。然而,《黑心商店》受到消息,港鐵故障事件並非單純機件問題,而是同時有三方惡靈力量襲擊香港地底鐵路系統,造成侵擾! 🐙🐙🐙🐙🐙
消息指港島線受到水怪嚴重襲擊!消息指由於水怪不能接受「大嶼山填海計劃」,於是直逼香港島金鐘範圍,不停拍打海底隧道,令到港島線行車隧道受到破壞。港鐵立即聯絡《海怪控制中心》,派遣海軍及海洋談判專家,經過三小時後的斡旋,最終在凌晨四時成功勸服水怪,解決事件。
🧟‍♂️🧟‍♀️🧟‍♂️🧟‍♀️🧟‍♂️
荃灣線在清晨時分受到古代殭屍大軍攻擊!一名目擊事件的食屍鬼指,約早上五時左右,一群身穿清朝官服的殭屍集結在地鐵,以指甲及尖牙破壞電纜。「初頭見到有班身影係隧道郁,心諗係咪地鐵加價太貴所以有人示威呀?到我望到佢地個樣!哇真係好恐怖呀!」據了解港鐵接到警報後,立即聯絡茅山派道士,在月台範圍廣播茅山咒語,終於在早上六時半鎮壓一眾殭屍。
😈😈😈😈😈
而觀塘線列車亦受到破壞!於清晨六時,所羅門七十二魔鬼中的魔鬼侯爵「馬可西亞斯」(Marchosias),經彩虹地獄站抵達觀塘線,破壞列車上的「關愛座」!馬可西亞斯又名「第七座天使候爵」,牠認為上帝的王座混入「關愛座」之中,於是對關愛座發動破壞,意圖毀滅上帝的寶座。據了解由於牽涉西方地獄,故此事件仍在調查當中。
🚇🚇🚇🚇🚇🚇
由於三線列車受到破壞,故此港鐵未能及時在提供服務。茅山派、中、西方地獄及海怪控制中心已成立緊急小組,共通調查事件,更不排除背後有黑暗勢力控制事件,意圖衝擊人類世界。
🚨🚨🚨🚨🚨
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #postcard #明信片 #diy #sticker #港鐵 #壞車 #地鐵 #mtr #荃灣線 #觀塘線 #港島線 #殭屍 #海怪 #魔鬼 #Marchosias #本故事純屬吹水虛構人類切勿認真


3

by @haksumshop

【悲痛魔盒】
你有無試過…
被同學誤會而覺得受盡委屈?😞
被家人指責而感到難過?😢
又或者因為爭執而令到自己憤怒?😡
仲有孤獨、失望、不甘心、妒忌、自責……?
😈😈😈😈😈😈
係「悲痛魔盒」入面既,
就係住左我地人類內心最可怕既怪物,
而佢既主要糧食,就係人既負面情緒。
😢😩😫☹️🙁😕
世上有種大愛精神既偽人,
會叫人「睇開D」、「正面D」之類既方法,
去封印箱入面既怪物,睇唔到就等於咩事都無…
🙈🙈🙈🙈🙈🙈
但係呢種方法係絕。對。錯。誤!
❌❌❌❌❌❌
而家我誠邀大家,
將你曾經最唔開心、最難過既經歷話比我聽,
等我地一齊去睇清楚呢種怪物既真面目,
一齊去開啟呢隻屬於你、而又獨一無二既怪物!
👹👹👹👹👹👹
參加方法︰
先Follow 呢個 Page "@haksumshop",然後將你負面既經歷dm 比我知 (如果唔介意留cm 都可以),我就會將你既經歷化為獨一無二既畫作,係「悲痛魔盒」入面呈現出嚟!
💩💩💩💩💩💩
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #明信片 #活動 #悲痛魔盒 #與其用快樂之名洗腦倒不如親手召喚悲痛 #投稿 #postcard #stickers #boxofsorrow


1

by @haksumshop

早兩日既 D2 Place 惡搞市集順利結束 !
我亦都識左好多好有趣既檔主!
🎃🎃🎃🎃🎃🎃🎃🎃
首先介紹既佳麗係嚟懷舊玩具 @Wormstoy
佢地專門賣懷舊、古怪、核突、甚至同Cult 片有關既Product ! 👽👽👽👽👽👽👽👽
跟著出場既有嚟自外太空同下水道既插畫家 @freakthetrack !
呢位插畫家係市集個兩日都坐我左邊,
原來佢都係專門畫外星人、核突野同埋鬼鬼怪怪,
Graffiti 既風格帶住一種反叛既個性~
🧠🧠🧠🧠🧠🧠🧠
最後介紹既佳麗係 @leurem_shop !
佢地有賣各種唔同既 Pin,
其中最吸引我既就係內臟系列!
包括腦、腸、膀胱等等,同我真係好夾呀~~
🛍🛍🛍🛍🛍🛍
鍾意既就記得follow 埋佢地啦!多多支持!
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #postcard #明信片 #market #市集 #d2place #diy #sticker #週末好去處 #擺檔

D2 Place
6

by @haksumshop

黑心商店擺市集!
=========================
《Market Fairish X Global M 惡搞市集》
日期 : 2018年10月6-7日
時間 : 13:00-19:00
地點 : 香港九龍荔枝角長義街9號 D2 Place One (一期) 2樓 The Space
========================
好耐無Update 😂😂大家放心我唔係死左
係需要少少時間搵靈感~
今個星期六日D2 Place 見!
🎃🎃🎃🎃🎃🎃🎃🎃
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #postcard #明信片 #market #市集 #d2place #diy #sticker #週末好去處

D2 Place
0

by @rita_liu427

售 小7 32G 玫瑰金 拆封一週 保固一年
意者私訊 價錢可談

事情是這樣的...(文長慎入
姐未來公公的老闆娘(以下稱阿姨)
在通訊行續約,原本要著五寸的手機,
結果被洗了一隻符合她尺寸需求
但她不會用的手機-iPhone
重點來了!阿姨續約699!
但是這支手機確要16000!!!
目前這隻手機只要15900!!
根本空機賣你在賺你100!! 對於一個對通訊的人來說!
你要賺錢,可以!但不是用這麼骯髒的手段去騙一位什麼都不懂的阿姨!

阿姨目前就是要把7賣掉 然後換成她慣用的品牌...
#黑心商店
#做通訊要有良心


0

by @haksumshop

【見鬼港鬼畫︰鬼門關】
=========================
/七月三十
話咁快就到左鬼月既最後一日!
過去一個月同大家講左香港各區既鬼故,你地又最中意邊個?
其實仲有好多鬼故未講架!
下次有機會再同大家慢慢傾😈😈
多謝大家支持!
=========================
亦都預告一下!
嚟緊十月黑心商店會有好多活動慶祝萬聖節!
到時可能仲需要大家既分享架!
密切留意!
=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #鬼故 #鬼故事 #香港鬼故 #農曆七月 #鬼月 #鬼節 #中元節 #鬼門關 #完


2

by @haksumshop

【見鬼港鬼畫︰維園公廁】
=========================
/七月廿九
今日要講既係最後一個鬼故啦
呢件事係發生係維園既公廁入面……
=========================
據講,維多利亞公園既男廁入面,
用既鏡全部都唔係一般既鏡,
而係銅造既鏡…
究竟點解呢個地方既鏡特別唔同?
=========================
有一個傳聞就話,
原來當年曾經係維園發生左一單姦殺案,
一個無辜既女仔比一個色魔拉左入去維園男廁,
先姦後殺……
當警察發現女屍既時候,就立即展開搜查,
最終鎖定左疑犯…
=========================
但係疑犯死口唔認自己犯下罪案,
直到警察將呢個疑犯帶返去維園男廁既時候,
廁所入面既鏡開始出現左一D映像,
浮現返當日個名無辜女仔被姦殺既情境…
個下在場既警察都非常驚訝,
而個疑犯更加係嚇到講唔到野,
只係可以立即認罪……
=========================
過左呢件事之後,
維園男廁既鏡就會不停有怪事發生,
例如有人去廁所照鏡既時候會見到D現實無既野……
亦都經常會無故碎裂,
就算換左幾多塊鏡都好,都總係會無原因爆開…
=========================
最後,政府就將個到既鏡換成銅鏡,
亦到都事件告一段落……
=========================
至於維園男廁而家係唔係仲用緊銅鏡?
呢個我都唔清楚啦……
如果你地知道既話就快D 留言話比我知啦!
=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #鬼故 #鬼故事 #香港鬼故 #農曆七月 #鬼月 #鬼節 #中元節 #維園 #公廁 #鏡 # 銅]鏡


1

by @haksumshop

【見鬼港鬼畫︰運頭塘村】
=========================
/七月廿八
今日要講既鬼故位於大埔既運頭塘村!
=========================
「運頭塘」呢個名,一直以嚟都帶比大家好多幻想…
有人話係日治時期,日軍係大埔呢個地方設立刑場,
捉左好多無辜既百姓去斬首,
而斬甩左既人頭,就會經木頭車一車一車咁送去亂葬岡埋葬…
而呢個地方就係今日既「運頭塘」…
=========================
第二個講法係,
大約係1906年既時候,香港曾經發生嚴重風災,
有唔少人係呢場災難之中離世…
屍體就存放係今日叫「運頭塘」既呢片空地…
而處理過後既屍體淨返骨頭,
再被運送到墳場……
=========================
不過,甚實呢兩個講法都係錯架!!!!
因為清朝就已經有記載「運頭塘」呢個名,
比起「日治」同「1906」早好多好多年~~~
=========================
雖然傳說係假,咁又代唔代表大埔運頭塘村無鬼故?
當然係有啦👀👀
=========================
第一個鬼故係運頭塘附近既大埔河…
話說住係大埔既街坊,會係深夜聽到有木頭車行過既聲…
甚至有人見到,真係有個無頭既人推著一架手推車行過,
上面就係堆滿左人頭…緩緩行入河中消失……
=========================
第二個故事就更加離奇,
據講當年政府係運頭塘村一帶興建房屋;
不過當時既工人就發現,用嚟裝飾既桶裝白膠漿經常不翼而飛…
直到有一晚…一個工人見到有十幾二十人圍著桶白膠漿,
不停咁將白膠漿搽上身,
工人細睇之下先發現…
呢班人都係甩頭甩骨…靠用白膠漿去痴返自己既骨頭同身體…
=========================
好多人都留Comment話呢排D鬼故都變左笑話😂
拿笑還笑呀,
一陣笑笑下多左把笑聲唔關我事架……
=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #鬼故 #鬼故事 #香港鬼故 #農曆七月 #鬼月 #鬼節 #中元節 #大埔 #運頭塘 #taipo #headless

運頭塘邨
1

by @haksumshop

【見鬼港鬼畫︰南山車場】
=========================
/七月廿六
今日要講既鬼故係打卡熱點︰
石硤尾南山邨!
呢到除左品香樓、雞蛋仔同埋好靚既公屋背景之外,
原來佢係停車場係九十年代係非常猛鬼…
=========================
如果你有睇過《志明與春嬌》既話,
就應該記得一開頭提到既「停車場求救事件」…
而呢件事既藍本,就係九十年南山邨停車場流傳一時既鬼故…
=========================
話說當年有個保安,
夜晚係南山邨既停車場巡邏…
當佢過一架私家車既時候,
架車竟然不停咁郁,車尾箱仲不停傳出拍打聲!
個保安心諗︰唔係有人綁架呀?
於是就即刻報警,等警察嚟處理…
=========================
警察到場後,都見到保安見到既野︰
架車不停咁郁,車尾箱亦都傳出拍打聲!
於是到場既警員非常緊張,對著車尾箱問︰
「入面係唔係有人被困?如果係既你就拍三下比我地知啦!」
話口未完,車尾箱就傳嚟「啪!啪!啪!」三下!
警員立即展開營救!
由於搵唔到車主,佢地就唯有打爆個車窗去開車尾箱…
但係當佢地解鎖車尾箱之後……
=========================
係警察同保安既合力,
佢地一齊打爆車窗開車尾,
正當佢地打算救出人質既時候,
車尾箱入面…
係。一。個。人。都。無。
=========================
佢地幾個你眼望我眼,
大家都知咩事啦……
結果…
警員同埋保安既報告都係寫搞錯左,
件事就不了了之…
=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #鬼故 #鬼故事 #香港鬼故 #農曆七月 #鬼月 #鬼節 #中元節 #南山邨 #停車場 #carpark #後座 #志明與春嬌

南山邨
2

by @haksumshop

【見鬼港鬼畫︰猛鬼樂園】
=========================
/七月廿五
今日要講既鬼故係真人真事!
不過確實地點係唔開得名…(如果唔係我就會比人告XD)
只可以偷偷地話比你地聽……
呢個係一個好出名好好玩既主題樂園……
=========================
話說呢個樂園有個遊樂設施,
係以「收藏品」作為主題,
所以入面都有好多古董作為道具,
而且主題都係走奇幻路線,
令到呢個遊樂設施既氣氛已經好特別……
=========================
話說我呢位女仔朋友係負責呢個遊樂設施,
係朝早未開之前就要行一次個路線check野;
當佢行到大概一半既時候…
聽到有人講左一句︰




Halo…」
佢就覺得好奇怪,
係唔係有工作人員係對講機叫佢?
於是佢就繼續檢查,
直到行返去出口見到班同事…
=========================
「你地頭先有無人用對講機叫我呀?」
由於員工有規定,對講機只係可以用作工作用途,
唔可以比員工用嚟閒聊,
所以女仔朋友以為有同事比order佢…
=========================
「下無喎,我地無人搵過你…」
結果,所有同事都話無搵過佢…
我呢位女仔朋友就好不解,究竟把聲邊到嚟?
但係佢都繼續工作,準備第二次入去檢查。
=========================
當佢行返入個遊樂設施,
又係行到同樣位置既時候…
佢聽到耳邊有把聲︰





估唔到你真係聽到喎……」
=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #鬼故 #鬼故事 #香港鬼故 #農曆七月 #鬼月 #鬼節 #中元節 #港島 #主題樂園 #halo #死都唔講係邊間XD


7

by @haksumshop

【見鬼港鬼畫︰東城戲院】
=========================
/七月廿四
今日要講既鬼故係…
灣仔東城戲院……
=========================
灣仔東城戲院既前身係「萬國殯儀館」,
之後係六十年代改建成為戲院。
由於戲院長年不見天日,環境黑媽媽,
又據講佢地鍾意睇戲當做娛樂,
加上殯儀館既背景令到呢個地方怪事頻生!!
=========================
猛鬼事件一︰戲院女廁!
睇睇下戲既中途,有個女觀眾走左去女廁,
照鏡既時候就望到女廁入面有另一個女人…
睇清楚先知……
原來個女人係無口面口鼻……
=========================
猛鬼事件二︰全院滿座!
唔知點解,東城戲院都無乜人買飛,
但係售票處都係寫「全院滿座」……
有次一個男觀眾睇戲既時候,
見到戲院人頭湧湧,非常熱鬧;
但係去到半場開燈個時,
全場其實只係得幾個人,根本就唔係全場滿座!
咁究竟頭先見到既「影」係乜野??
呢個男觀眾定定驚,諗著去廁所既時候…
佢見到有個呀婆係到透落……
再望真D…先發覺原來個呀婆係無…下…巴…架!!
個男觀眾嚇到即刻返去黑媽媽既戲院入面,
發現又再一次人頭湧湧!
當佢睇清楚先發覺,一排又一排既觀眾,
都係一樣!無!下!巴!架!!
=========================
東城戲院非常猛鬼,
不過而家已經清拆左……
想知有幾猛?問下你上一代D長輩都肯定有聽過!
=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #鬼故 #鬼故事 #香港鬼故 #農曆七月 #鬼月 #鬼節 #中元節 #港島 #灣仔 #東城戲院 #戲院 #CINEMA #無下巴 #Jawless

Wan Chai District
4

by @haksumshop

【開學啦!】
=========================
聽日就係九月三日星期一!
即係莘莘學子係時候要著起校服返學啦!
=========================
究竟鬼門開恐怖啲…
定係校門開恐怖啲……?
=========================
而各位返工狗,聽日準時返工啦😂
=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #postcard #明信片 #農曆七月 #校門開 #開學 #返學 #學生 #小學生 #中學生 #student


0

by @haksumshop

【見鬼港鬼畫︰探頭的女人】
=========================
/七月二十一
今次呢個鬼故,係我一位上左年紀既朋友講比我知…
件事係發生係好多年前既秀茂坪邨……
=========================
故事發生既地方係好多年前已經被清折,
而我呢個朋友「呀叔」同老婆住係秀茂坪邨。
當時既屋邨係好長既走廊,只有頭尾有光,
呀叔住係頭,而尾就係垃圾房。
=========================
唔知幾時開始,
有個女人就搬左入去垃圾房隔離間屋。
而係呢個女人入住左既夏天既某一日……
成層就離奇出現臭味,仲要有好多烏蠅飛嚟飛去…
大家都不停投訴,但係搵唔到原因……
=========================
後尾有一日,呀叔去垃圾房倒垃圾,
望到女人個戶既門口,滲左D好奇怪既水出嚟,
上面仲有D白色粒粒…
好奇既呀叔仲用隻腳去踩下佢……
=========================
突然有一日,警察將女人間屋封左,
原來,一直以嚟既臭味就係由呢間屋傳出…
呢個女人係間屋入面比人打傷…
負傷爬到去門口既時候失血過多而死…
當時又正值夏天,所以屍體好快腐爛…
傳出陣陣屍臭,仲滋生左大量既烏蠅……
=========================
就係真相大白既時候,
呀叔記起……有一晚唔覺意係走廊望左去發生意外既呢一戶,
見到個女人係間屋到探頭出嚟,望返住呀叔…
計算返個日子…呢個女人應該係已經死左…
而且……回想返佢既五官其實係模糊不清……
可能呢個女人探頭既原因,就係想話比呀叔知自己既情況…
=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #postcard #明信片 #鬼故 #鬼故事 #香港鬼故 #農曆七月 #鬼月 #鬼節 #中元節 #九龍 #秀茂坪 #SMP #saumauping

秀茂坪邨
6

by @haksumshop

【見鬼港鬼畫︰小鳳仙裝】
=========================
/七月二十
今日講既係屯門一個鬼故…
=========================
話說係屯門既一間中學,
中樂團係幾出名同埋經常去比賽;
而佢地通常完左比賽都已經好夜,
係學校無燈既情況下,
要經地下後門將樂器送上一樓音樂室放返去。
=========================
而有一次,中樂團又係好夜先返到學校,
幾個學生即刻放返揚琴返上去音樂室。
揚琴既大細同一個古箏差唔多,
所以佢地幾個學生就打算一齊拎上去。
=========================
點知,有個學生貪得意,話︰
「不如我地一齊將個揚琴放上去膊頭,一齊抬上去呀!」
大家就話好呀,於是將個揚琴抬係膊頭。
行左幾步,有個學生就話︰「
「算啦算啦,都係放返落嚟啦……」
其他就好不解,不停問點解。
個學生無解釋,淨係好認真咁叫大家放返落嚟,
用拎個方法拎返部琴上去。
=========================
一離開學校,個學生就話︰
「我地行到去一半既時候…我見到…
有個著小鳳仙裝既女人企左係到…望著我地呀…」
呢個時候,大家先明白點解個同學會即刻叫佢地放返個揚琴琴落嚟…
因為抬揚琴呢個動作…
同以前抬棺材係好相似……
=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #postcard #明信片 #鬼故 #鬼故事 #香港鬼故 #農曆七月 #鬼月 #鬼節 #中元節 #屯門 #小鳳仙裝 #TM #Tuenmun #學校 #中學


0

by @haksumshop

【見鬼港鬼畫︰鬼母子】
=========================
/七月十九
又講一個我呀爸既真人真事比大家聽!
今次發生既地方係…九龍呈祥道!
=========================
話說好多年前,我呀爸同五個朋友
夜晚凌晨兩三點由屯門返去慈雲山方向。
呀爸既小學同學負責揸車(叫佢做司機啦),
其他五個人就坐係車入面。
當時係屯門公路都未起好既年代,
佢地坐緊既貨Van 仲要唔係密封,
可以好清楚望到出面。
=========================
話說佢地去到呈祥道,
大約係黃大山祠(唔係大大間既黃大仙廟呀!)出面,
我呀爸就見到一個女人,拖著個BB坐係公路邊…
架車好快就駛過,
我呀爸就話︰「喂你地見唔見到個兩母子呀?」
其他兩個朋友都話︰「有呀!個細路仲要笑得好肉酸架嘛!」
=========================
點知!司機同另外兩位朋友都話無,
仲堅稱係我呀爸佢地睇錯。
膽大過沙煲既呀爸就話︰「唔信呀?U turn 返去睇多次囉!」
好死唔死,佢地又真係夜晚晚U Turn 返轉頭再睇…
結果,我呀爸同另外兩個Friend睇到,
司機同另外兩個仍然係睇唔到……
=========================
咁點算呀?
我呀爸唔死心,叫大家再U Turn 再睇多次!
大家又真係贊成喎!(痴線- -)
結果,今次再駛過個兩母子企係到既地方,
我呀爸就話︰「算啦唔好睇啦!我地返去算數啦」
大家就追問︰「下點解呀???」
呀爸話︰
「個女既已經睥住左我地啦!」
=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #postcard #明信片 #鬼故 #鬼故事 #香港鬼故 #農曆七月 #鬼月 #鬼節 #中元節 #九龍 #呈祥道 #鬼母子 #黃大仙

呈祥道
11

by @haksumshop

【見鬼港鬼畫︰床下底】
=========================
/七月十八
今日講一個真人真事比大家聽!
就係好多年前,
發生係我屋企人既南丫島事件!
=========================
話說好多年前,我屋企人曾經住過南丫島。
而個間屋係有三層,
地下個層係鋪頭、
二樓係客廳,三樓就係睡房。
=========================
因為個陣時係有好幾個親戚都一齊住係南丫島,
幾個家庭都有小朋友,所以非常熱鬧
(不過個時我末出世的)
班小朋友好多時都會係三樓既睡房一齊玩,
我呀媽就話,
當年我家姐自己一個係房玩既時候,
就已經會有D「見唔到既朋友」同佢一齊玩。
究竟係自己幻想出嚟既朋友…定係其他野?
呢個就不得而知。
=========================
有一次,當幾個小朋友連埋我家姐,
係三樓間睡房玩既時候,
我一位聾啞既堂表哥都嚟左,
所以大家都叫佢上睡房一齊玩。
但係好奇怪,堂表哥就死都唔肯入去,
我阿姨就用手語問佢︰「你點解唔入去呀?」
=========================
我堂表哥就用手語答︰
「我唔入去呀!
間房床下底有個綠色既細路係到!
我唔入去!」
=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #postcard #明信片 #鬼故 #鬼故事 #香港鬼故 #農曆七月 #鬼月 #鬼節 #中元節 #南丫島 #Lammaisland #床下底 #underthebed

Lamma Island
2

by @haksumshop

【見鬼港鬼畫︰彩虹地鐵站】
=========================
/七月十四
七月十四啦!講一個香港好出名既鬼故比大家聽!
就係彩虹地鐵站通向陰間之迷!(已破解)
=========================
係好多年前,彩虹站岩岩通車無耐,
所以工程師同地鐵工人就要試車,
要由彩虹站開去九龍灣站行一轉。
點知,短短幾幾分鐘既路程,
竟然過左十幾分鐘都唔見人影,
對講機無人答話,只係得怪聲傳出…
=========================
過左好耐…列車終於埋站,
但係車入面既試車職員,
每個都面無血色,講不出聲,
好似經歷左一場災難咁……
最後更加送院不治。
於是,地鐵公司就暗中請道士嚟睇下咩事……
=========================
道士話,地鐵站本身已經係興建地底之下,
長年不見天日,陰多陽少;
而彩虹地鐵站既路軌,
更加係咁岩通向陰間既大門,
所以列車唔覺意駛左入陰間,
令到試車職員三魂唔見七魄!!
亦都係因為咁,地鐵公司非常擔心,
所以興建左第三條路軌,
避開通向地府既「特快通道」…
=========================
到左今日,已經有好多人都破解左「彩虹地鐵站」既傳聞,
證賓呢條平日唔用既軌道,
係公司預留作調配地鐵往返車廠。
不過……你無親自行入去,又點知條路軌通去邊?😏😏
=========================
提返大家,今晚11點鐘 我將會同大家係 開罐Opener 講鬼故!
可以去 開罐Opener 既Facebook 睇片!
(我IG Profile 都有Link 架!)
同埋聽日亦都會係 D2 Place 一期擺市集!
返左好多新既《香港鬼節》貼紙!
到時見
=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #postcard #明信片 #鬼故 #鬼故事 #香港鬼故 #農曆七月 #鬼月 #鬼節 #中元節 #彩虹 #彩虹地鐵站 #地鐵 #mtr #choihung #subway

Choi Hung Estate
0

by @haksumshop

黑心商店擺市集!又嚟啦!
仲有最新款貼紙登場!
=========================
日期 : 2018年8月25-26日
時間 : 13:00-20:00
地點 : 香港九龍荔枝角長義街9號 D2 Place One (一期) =========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #postcard #明信片 #market #市集 #d2place #diy #sticker #書展 #香港書展2018 #週末好去處

D2 Place
1

by @haksumshop

【黑心商店 x 開罐Opener 七月十四講鬼故】
=========================
2018年8月24日,就係農曆七月十四……
當晚,黑心商店將會同 開罐Opener 合作,
同大家講香港各區鬼故,當中仲有真人真事!一齊迎接七月十五盂蘭節!!
日期︰2018年8月24日11:00pm
網址︰www.facebook.com/OpenerHK/
=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #postcard #明信片 #鬼故 #鬼故事 #香港鬼故 #農曆七月 #鬼月 #鬼節 #中元節 #開罐 #opener #facebook #七月十四


2

by @haksumshop

【見鬼港鬼畫︰溫莎狐仙】
=========================
/七月十一
如果你問過上一輩,
就肯肯定有聽過銅鑼灣溫莎狐仙事件!
=========================
1981年,銅鑼灣溫莎公爵大廈門口既雲石,
出現左一隻「狐仙」既樣,
引起市民大眾同埋一班記者圍觀,
溫莎大廈先係用紅布蓋著、最後更加拆走雲石…
究竟係咩原因令到大家會去注意呢幅玲石牆既圖案?=========================
有指當年曾經有一對夫婦係溫莎大廈既一間酒樓,
幫佢地既初生BB 擺滿月酒。
滿月酒後既當晚,BB媽媽發左一個惡夢,
見到一隻目露凶光、長相可怕既狐狸對著佢鬧︰
「你地好野!係我地頭搞滿月足都唔識得邀請我?咁你個仔都唔使指意養得大!」
然後就係夢入面咬左死個BB……
=========================
媽媽隨即驚醒,拍醒老公去睇下個B,
點知BB已經失去知覺,停止呼吸…
最後送院後證實不治……
就係因為呢件事,兩公婆返返去溫莎大廈,
意外發現大廈既雲石牆,果然係有一隻狐狸既樣。
呢件「狐仙現身殺人」事件一傳開,就立即利到全香港人議論紛紛,
成為當時熱話……
=========================
至於點解會有狐仙?
有人話係以前既「虎豹別墅」有一隻成左精既狐妖,走左去溫莎大廈…
亦都有人話係以前個間酒樓曾經搞過「百獸宴」,
捉左唔同既野生動物煮嚟食……
而其中有一隻狐狸困係籠入面,
竟然無絲豪既恐懼或者係亂咁郁,
只係雙眼含恨咁望著班廚師,
充滿殺氣…
有指呢隻狐狸即將成精,
但係臨門一腳比人類殺死……
所以附身係溫莎大廈殺害無辜既小朋友…
=========================
時至今日,溫莎大廈已經改名「皇室堡」,
雲石、酒樓都已經唔存在了…
聽日我地去到九龍地底,
講一個非常出名既鬼故傳說!
========================= #haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #postcard #明信片 #鬼故 #鬼故事 #香港鬼故 #農曆七月 #鬼月 #鬼節 #中元節 #銅鑼灣 #causewaybay #cwb #狐仙 #狐狸 #fox

皇室堡
6

by @haksumshop

【見鬼港鬼畫︰深水埗警署】
=========================
/七月初十
你地以為警察夠惡就無鬼故?
今日講下深水埗猛鬼差館!
=========================
2008年農曆七月十六日,
深水埗警署發生左一宗嚇人既鬼故……
據講,有一位夜班警員透過CCTV 睇著扣留倉,
望到倉入面有一個著白色衫、白色褲既女人,
披頭散髮飄過每個倉門……
唔單止值班既警員見到,
就連係倉房入面既拘留犯都一樣見到!
當警署入面既警察同犯人都齊齊集體撞鬼既時候,
深水埗警署就從此被稱為「猛鬼差館」!!
=========================
聽日我地去港島區,
今次唔撞鬼,我地去撞「仙」……
=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #postcard #明信片 #鬼故 #鬼故事 #香港鬼故 #農曆七月 #鬼月 #鬼節 #中元節 #深水埗 #Shamshuipo #ssp #警局 #警察 #police

深水埗
0

by @haksumshop

【見鬼港鬼畫︰新娘潭】
=========================
/七月初九
今日嚟到一個香港自然旅遊勝地︰
新界新娘潭!
=========================
位於大埔既新娘潭,
名稱由來有二,
一係指瀑布傾瀉而下,
好似新娘既頭紗一樣;
第二個講法…
就係清朝時期有一戶人家迎娶新娘,
但係新娘隊伍行到潭邊,
怪風四起、行雷閃電,
更加將新娘頂橋吹左落潭入面,
令到新娘活活浸死……
紅事變白事,新娘陰魂不散,
經常係潭前照鏡梳頭,
更加會係半夜傳出打鼓奏樂既聲……=========================
自此以後,新娘潭就詭影重重,
多年嚟不時傳出同一地點不停發生交通意外、
甚至有好幾宗自殺同棄屍既個案;
又有人係新娘潭游水既時候,
被莫名其妙被鬼掹腳……
=========================
最離奇既一單新聞,
就係2009年1月既一個夜晚,
有一個過百人既宗教團體,
去到新娘潭進行「請鬼」,
係成個山頭插滿香燭,
最終演變成山火……
=========================
我有朋友都曾經係新娘潭行山既時候遇到怪事…
你地又有無去過新娘潭,感受到不一樣的感覺…?=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #postcard #明信片 #鬼故 #鬼故事 #香港鬼故 #農曆七月 #鬼月 #鬼節 #中元節 #新娘潭 #大埔 #taipo #新娘 #bride

Bride's Pool
8

by @haksumshop

成功👏🏻👏🏻多謝大家參加《三聯書店APM活樂VIVA達人夜書巿文創工作坊》🎨🎨
=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #postcard #明信片 #蘑菇小屋 #mushroom #mushroomhouse #fairytale #watercolor #水彩 #apm #三聯 #書市

APM
0

by @haksumshop

【見鬼港鬼畫︰高街鬼屋】
=========================
/七月初七
今日嚟到港島西營盤,
非常著名既高街鬼屋!
=========================
係第二次世界大戰之前,
高街有一間精神病院,
有唔少精神病人都被送入去監禁,
而且衛生情況同環境都欠佳,
但到呢棟建築物已經非常「生人勿近」…
=========================
而係二戰時期,日軍更加將精神病院當做刑場,
係個到處決唔少無辜既人……
令到個到更加鬼異……
=========================
傳聞,高街鬼屋不時都會傳出有人撞牆既怪聲,
據講係因為當年既精神病人經常撞頭自殺發出既聲……
=========================
時至今日,高街鬼屋已經改建為
西營盤社區綜合大樓,
怪異傳聞亦都告一段落……
=========================
同時提醒大家!聽日我將會係 觀塘APM教大家畫「蘑菇小屋」! 時間︰16:00 - 17:00
地點︰觀塘 APM 6樓三聯書店對出空地
參加方法︰凡單次購物折實滿$300,
即可於APM夜書市書展場地內收銀處報名,
或以QR Code 作網上登記。
詳情請參考三聯書店 Poster ~
=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #postcard #明信片 #鬼故 #鬼故事 #香港鬼故 #農曆七月 #鬼月 #鬼節 #中元節 #西營盤 #高街鬼屋 #高街 #精神病院

高街鬼屋
0

by @haksumshop

【見鬼港鬼畫︰鬼母親】
=========================
/七月初六
多年前既九龍城寨係一個龍蛇混雜既「三不管」地方;
而呢到,亦都流傳左一個令人難以致信既鬼故……
=========================
九龍城寨既環境惡劣,而且人口密集,
係一個夏天,陣陣惡臭由一個單位傳出,
警方接報後到場查問。
係難忍既臭味下,警方大力拍打,
等左好耐之後先有一個細路女開門。
=========================
警方入到屋後,見到兩個細路女,
家姐同細妹都好乖係到做功課,
但係振振既恐臭由睡房不斷傳出。
於是警方立即衝入睡房,
只見床上有一具已經嚴重腐爛而且發臭既女屍訓係床上。
=========================
警方即刻問兩個細路女,究竟發生咩事。
家姐就答︰
「媽咪佢唔舒服,所以呢幾日都無出街,
煮左飯比我地食之後就返左入房訓覺。」
=========================
的而且確,廚房入面係有著一煲好熱好香,
岩岩整起既飯菜;
但係睇返媽媽既屍首,早就已經死去多日……
咁究竟係邊個煮飯比呢兩個年幼既細路女食?
根據街坊所講,佢地呢家人係無朋友或者親人,
一直都係三人相依為名……
而屋內除左兩姊妹同死左既媽媽之後,
又真係發現唔到其他人既蹤影……
=========================
究竟,個幾日既飯菜係邊個預備……?
隨著九龍城寨既拆卸,呢個真相都已經消失……
聽日我地會去到港島區,
講一個充滿精神病犯同戰爭陰魂既地方……
=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #postcard #明信片 #鬼故 #鬼故事 #香港鬼故 #農曆七月 #鬼月 #鬼節 #中元節 #九龍城寨 #九龍城 #鬼母親 #mother

九龍城寨公園
0

by @haksumshop

【APM 樂活Viva 達人夜書市】
=========================
今日抖一抖唔講鬼故
講下今個星期六既活動先︰
APM 樂活Viva 達人夜書市!
今個星期六 8月18日
黑心商店將會聯同三聯書店,
係觀塘APM 進行水彩工作坊,
即場教大家壞童話故事入面既「蘑菇小屋」🍄🍄
=========================
時間︰16:00 - 17:00
地點︰觀塘 APM 6樓三聯書店對出空地
參加方法︰凡單次購物折實滿$300,
即可於APM夜書市書展場地內收銀處報名,
或以QR Code 作網上登記。
詳情請參考三聯書店海報!
=========================
到時見!!
=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #postcard #明信片 #蘑菇小屋 #mushroom #mushroomhouse #fairytale #watercolor #水彩 #apm #三聯 #書市

APM
0

by @haksumshop

【見鬼港鬼畫︰達德鬼校】
=========================
/七月初四
達德學校,係元朗屏山一間非常猛既學校,
甚至被《國家地理頻道》評為亞洲十大恐怖地點之一!
=========================
位於元朗屏山既達德學校,
自1962年停止辦學之後就一直荒廢,
但係,佢既恐怖傳聞就從來都無停止過……
係日軍侵占香港時期,
好多屏山既居民都被日軍殺死;
又有指達德學校附近係亂葬岡,所以十分猛鬼!
甚至有指聞係有一位女校長身穿紅衣係達德廁所入面吊頸自殺!!!
=========================
咁猛鬼既荒廢校園,一直都吸引唔少大膽人士去探險。
係2011年9月,就有12個初中士膽粗粗,
夜晚走去達德一探究竟。
點知,其中一個女仔指著達德附近既一個墳頭話︰
「個到有個長髮女人…著住紅色衫伏左個到呀……!」
=========================
所有人一聽到,心裡一寒,
即刻跑去門口!
但奇怪既係,明明行入嚟個時只係幾分鐘既路程,
佢地竟然用左成半個鐘先出得返去輕鐵站。
=========================
當你以為去返大馬路就無事?
見到女鬼既個個女仔開始失控,
面色慘白、手舞足蹈大聲叫,
甚至用力捏著自己喉嚨,
好似「鬼上身」一樣!!
身邊既朋友即刻上前捉實佢,
但係個女仔開口咬、用手抓反擊身邊眾人,
最後要多人合力先可以將佢制服,
並且報警求助……
=========================
有無朋友住係屏山一帶?又有無靈異經歷可以分享?
目前為止已經講左中文大學、油麻地、灣仔同元朗既鬼故,
你地又最鐘意邊個?
=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #postcard #明信片 #鬼故 #鬼故事 #香港鬼故 #農曆七月 #鬼月 #鬼節 #中元節 #元朗 #屏山 #達德 #撞鬼

達德學校
4

by @haksumshop

【見鬼港鬼畫︰大頭怪嬰】
=========================
/七月初三
今日想同大家介紹灣仔舊街市既鬼故!!
仲要係我呀爸既真人真事鬼故!!!
=========================
話說我呀爸細個十幾歲既時候,
經常係灣仔玩。
有一次夜晚去到灣仔舊街市天台,
同一班細路係到打乒乓波。
打左一陣,我呀爸就係一張乒乓波枱到訓覺,
而其他細路仔就係另一張乒乓波枱繼續猜波……
=========================
訓到咁上下既時候,
我呀爸就比身邊既笑聲嘈醒……
佢一打開眼,就發覺其他細路全部唔見哂!
取而代之既係一群大頭BB 圍著佢張波枱,
不停笑不停叫!
我呀爸話,個班BB既頭非常大,
而且笑得好難聽,
所以佢嚇到即刻彈起身,
向著天台既出口跑過去……
=========================
9秒9即刻跑去到出口,我呀爸就拎返轉頭,
望到成班大頭BB向著佢衝過去門口!
跟著我呀爸即刻跑落樓梯,再衝過去對面馬路,
先至擺脫到佢地……
=========================
第二日,我呀爸見到班有份打乒乓波既Friend,
就即刻 XY@^Z#+ 佢地;
而佢班Friend就笑笑口話︰
「哈哈!你估你係第一個見到咩?大把人都見過啦!
你咁鐘意訓呀嘛~咪留你係個到訓下囉~」
=========================
灣仔舊街市一向猛鬼,
但係呢班大頭怪嬰又點解會係個到出現?
呀爸解釋,係因為當年日軍侵占香港,
捉左好多小朋友同婦女。
街市入面有個菜池比人洗菜,
所以日軍就係菜池進行斬首之刑,
而手起刀落斬甩左既細路仔頭髗,
就落入水池浸水發漲,
成為我呀爸撞到既大頭怪嬰……
=========================
今日既灣仔街市已經重建成住宅,
咁多年嚟都相安無事,
相信一班陰魂都已經安息……
聽日,黑心商店繼續介紹新界鬼故!密切留意!
=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #postcard #明信片 #鬼故 #鬼故事 #香港鬼故 #農曆七月 #鬼月 #鬼節 #中元節 #盂蘭節 #七月 #灣仔 #灣仔舊街市 #天台 #大頭怪嬰 #鬼

Wan Chai Market
0

by @haksumshop

【見鬼港鬼畫︰無頭麻雀】
=========================
//七月初二
尋日介紹完辮子姑娘,
今日就講一單上埋報紙既鬼故︰
油麻地無頭人打麻雀!
=========================
據講係1953年,
油麻地有個單位,經常係夜晚九點打電話去一間餐廳叫外賣,
每次都只係要四碗粥。
而外賣仔上到去之後,個單位只係會打開一條門隙,
有一隻手伸出嚟比錢同拎粥,
但係外賣仔就一直都唔知係咩人叫粥。
=========================
問題就嚟啦,每當外賣仔拎返D錢比餐廳,
就會發覺,當時點齊數既紙幣,
會變成一張張既陰司紙……
仲要唔係發生左一次,而係三次…
最後餐廳老闆親自出馬送外賣上去,
但係結果都係一樣……
=========================
因此,老闆立即報警,
結果警察到場入門,
竟然見到四個無頭既人係單位入面打麻雀…
而唔少既街坊亦都話,
經常係對面望到個個單位有四五個人影,
著白色衫係窗口前面徘徊……
呢件事唔單只成為當時油麻地既猛鬼傳聞,
更加上左報紙成為熱話……
可以話係香港其中一單最廣為人知既舊聞。
=========================
時至今日,唔知佢地仲係唔係係油麻地打緊牌?
聽日,我地轉戰港島,同大家介紹一個真人真事既鬼故……
=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #postcard #明信片 #鬼故 #鬼故事 #香港鬼故 #農曆七月 #鬼月 #鬼節 #中元節 #盂蘭節 #七月 #油麻地 #無頭人 #麻雀 #ymt

Yau Ma Tei Station
5

by @haksumshop

【見鬼港鬼畫︰辮子姑娘】
=========================
//七月初一//
如果講到香港既鬼故,
中文大學既辮子姑娘絕對係代表人物!
=========================
相傳…係六十至七十年代既中文大學,
一直流傳著一個好出名既故事。
係一個夜晚,一位男學生自己一個人,
行過連接逸夫書院同崇基學院既山路。
佢係昏黃既路燈下,見到一個紮著馬尾辮既女仔,
背對著佢,企左係到傳出喊聲。
於是,好心既男仔就上前問佢發生咩事。
個個女仔仍然背對著佢,答︰
「我個樣……令到大家都唔同我講野…」
於是男仔就安慰佢,叫佢比個樣男仔睇。
=========================
結果女仔轉過頭,正面都係一條長長既辮……
=========================
究竟點解辮子姑娘會出現係中文大學既山頭?
有人話,係當年一個姑娘由內地偷渡來港,
係乘搭火車去到沙田中文大學附近既時候,
竟然比人捉到,要遺返佢返內地。
姑娘為左避開執法人員,唔理火車高速行駕,
向外跳車……
但係佢長長既辮子比火車門夾著,
令到佢成個頭皮都被扯落嚟……
慘死係沙田既火車路上,
而佢既陰魂就自此成為中文大學既常客……
=========================
讀中大既你又有無見過佢?👻👻
聽日,我地一齊去到油麻地,
講另一個上埋報紙既猛鬼故事!
=========================
#haksumshop #黑心商店 #illustration #blackcomedy #horror #scary #drawing #hkillustration #插畫 #香港插畫 #ig #hkig #watercolor #貼紙 #postcard #明信片 #鬼故 #鬼故事 #香港鬼故 #農曆七月 #鬼月 #鬼節 #中元節 #盂蘭節 #七月 #中大 #辮子姑娘 #CUHK #中文大學

中文大學
0