Beauty Bar 🇰🇼💕🛍️@beauty.bar.kwt

أعرض تجآربي شخصيًا لغرض الاستفآده 🎀

135 posts 1,614 followers 69 following

🎀
.
.
.
اسم المنتج✏️ : ليفة وقلوڤز للسنفره من سوب اند قلوري.. . .
تقييم التجربه🔖 : للأمانه احلى وافضل ليفه وقلوفز جربتهم،، احلى من ذي بودي شوب وباث اند بودي،، انصح فيهم وبشده،،
.
.
اين يوجد📍: في صيدليات بوتس
.
.
🎀


4

🎀
.
فرش زويفا ناااار من اروع الفرش اللي استخدمتهم ،، حبيت ابلغكم ان زويفا موجود بسيفورا بانكوك كل مكياج زويفا مع الفرش موجود بسيفورا.. بلا تاجرات بلا هم 😬 وابلشي هذا مغشوش ولا اصلي..
.
للامانه انا عندي فرش سيجما وماك،، بس حبيت اشتري كت كامل للعين وصراحة كنت بطلب اون لاين من زويفا بخاطري اجربهم وسبحان الله لقيت هالبراند بسيفورا 😍 وخذيت هذا الكت الخاص بالعيون ومعاه خمس فرش للوجه..
.
١٥ فرشه .. ١٠ فرش للعين،، ٥ فرش للوجه،،
.
السعر💰: بخمسين دينار يابلااااااش ،،
.
🎀


7

🎀
.
.
.
اسم المنتج✏️ : صابونه التبييض من سنيل وايت،،
. .
تقييم التجربه 🔖 : هالبراند حيل مشهور في دول شرق آسيا،، في التبييض والتنعيم والترطيب،، بس للامانه ما اخذت شي من كريماتهم لان الحمدلله كريماتي كلها من دكتوري الجلديه ووضعي تمام ومابغيت اخبص الدنيا،، المهم قلت بجرب هالصابونه،، بنات خيااااال تنعم وتوحد اللون خساره ماخذيت كمية منها،، انصح فيها وبشده،، ورخيصه بعد..
.
.
طريقه الاستخدام 📝 : بعد ماتتسبحين وتتسنفرين،، حطي الصابونه على كل الجسم وخليها ثلاث دقايق وغسلي،،
. .
أين يوجد 📍: بكل مكان ببانكوك،،
.
.
السعر💰: دينار
.
🎀


5

🎀
.
طبعا هذي الحمره السحريه اللي تنباع ببوتيكات وشريتها بسبع دنانير منهم مع التوصيل ٣ دنانير،، طلع التوتل علي ١٠ دنانير ،،
.
تخيلو لقيتها ببانكوك سعرها ٣ دنانير وتشترين وحده والثانيه مجانا،، انجلطت من فرق السعر بس يالله كل طقة بتعلومه،،
.
المحل بالدور الثاني بمجمع الام بي كي اسمه ستار دست..
.
🎀


10

🎀
مرحبا بنات انا آسفة جدا على الانقطاع،،
ان شاء الله اقدر افيدكم عن التسوق في بانكوك،،
.
اهم شي تسكنون في منطقه الباتونام لان تقريبا كل الاسواق فيها وكل شي حواليها،، يعني كل داعوس فيه محلات امشو بالشوارع والله يعينكم على الحر😬
.
عندكم فندق اماري ووتر قيت بالضبط قبال الفاشن مول وتركبون من هالمول بجسر اللي بالصوره ومشبك لكم المولات كلها،، يعني الحين بالصوره الفاشن مول معطته ظهري ومتجهه للسنترال وورد وهذا المحل اللي بالصوره استان مثل ميسز وبلومنقديلز.. وتطلعين من هالمول على جسر لسيام براقون بعدين سيام سنتر بعدين سيام دسكفري لين توصلين الام بي كي
.
الفاشن مول: فيه كل شي من ملابس اكسسوار مكياج ورموش تقليد بس هله هله بالمكاسر،،
.
السنترال وورد: حيل كبير فيه مطاعم سينما محلات وكل مايخطر ببالكم،، طبعا المحلات ماركات عالميه ومحليه،،
.
سيام براقون: السرداب ماله كله مطاعم ومحلاته ماركات راقيه مثل شانيل ارميز وال في،، وبهالمول فيه الاكواريوم حيل حلو للاطفال لايطوفكم ومعاه ممتحف الشمع،،
.
سيام سنتر: هم محلات وبراندات محليه وعالمية،،
.
سيام دسكفري: هم محلات والكترونيات والمدام توسود اللي هو متحف الشمع فيه،، وبالضبط قباله الام بي كي،،
.
الام بي كي: غني عن التعريف كل شي فيه وهم مكاسر بالسعر،، .


2

راده باجر باذن الله وبتفرغ لكم يا أحلى فلورز،، بوريكم احلى المنتجات وملخص عن اسواق بانكوك،،
طبعا مطار بانكوك مول مو مطار من احلى واكبر المطارات اللي دخلتها،،

Suvarnabhumi Airport
0

جيلت لسنه قدام،، وخذيت الاثنين اللي تحت لونهم على زيتي درجتهم BK بجربهم اما الاربع اللي فوق هم اللي مجربتهم عجيبييين شوي عليهم درجتهم بني برقم BK-1 ويبيلي اثنين زياده بعد بس خلصو،، جربوهم لرسم شعره شعره وهم بالرسم جدا سهلين،، انصح فيهم وبشده ورخاص ،،


5

.
🎀
.
احلى اقلام حواجب عجيبين وحلوين من ماركه يابانيه اسمها
Kate tokyo
.
وسعره جدا رخيص ٢٨٨ بات تقريبا دنارين ونص
.
جربوه وبتدعولي.. وصوو عليه اي احد رايح تايلند،،
.
ترا هو لاينر للعين بس انا استخدمه للحواحب ،،
.
في بني واسود لاتاخذون الاسود اخذو البني درحته BR-1
حتى لوكان شعرج اسود لاتستخدمين شي اسود على حاجبج استخدمي بني غامج.. الاسود يبشع ويكبر بالعمر،،
.
🎀

Jungceylon
3

.
🎀
.
عنايتي الليليه للشفاه لازم بالاسبوع اقشر شفتي بسكراب مرتين واستخدم هالمرطب من بيبانثين.. حتى وانا مسافره،،
.
بنات تبين جمال تبين تبينين انج اصغر من عمرج تبين بشره وشفايف ورديه وجسم مشدود اهتمي بنفسج شوي وشوفي الفرق،، .
لايقصون عليكم العيادات ترا كله كلام فاضي القول بعنايتج بالبيت اقل شي قبل النوم تغسلين وجهج وتحطين كريمج الليلي سواء تفتيح او تغذيه،، ويازين لو تدخلين الرياضه بعد في يومج،،
.
غيري اكلج قللي اكل الدهون،، اشربي باليوم لتر ونص ماي وبعدين كلميني،، بتشوفين بشرتج تبرق برق،،
.
ودليل كلامي ما اكثر من مراكض اغلب الفاشينستات بالعيادات وان شفتوهم بالطبيعه هلات وسواد وجفاف ومسام وغيره،،
.
🎀


5

🎀
.
.
.
اسم المنتج✏️ : مزيل المكياج من كيلز . .
تقييم التجربه🔖 : نشبلي تايلندي نشبة سندر راسي.. من محلات كيلز يقولي هذا اويل رهيب وعجيب ويزيل حتى المكياج المقاوم للماي جربيه جدا جميل ومن هالحكي،، المهم انا هالماركه اشوف عليها زحمه وتسد خذيت المرطب لمنطقه تحت العيون،، حلو صراحه احطه قبل المكياج وعلى الاماكن الجافه بوجهي اللي تخطط مثل منطقه حول الفم خط الابتسام يرطبه ويثبت الفاونديشن،، صراحه عادي وانا اساسا بشرتي دهنيه فاحس يزيد الدهن،، بس بعطيه فرصه لارديت الكويت،،
.
لان بشرتي معتفسه فوق تحت..
.
طريقة الاستخدام 📝: ترعصين ثلاث رعصات وتدلكينه على وجهج، وعلى شفايفج وعيونج، واذا كنتي حاطه كحل ولا ماسكارا ضد الماي،، حطي ثلاث ضغطات بقطنه وثبتيها على عينج لمده دقيقه وامسحي،،
.
أين يوجد 📍: محلات كيلز موجود بالكويت ببلومنغديلز بمجمع ٣٦٠ مول،، .
.
السعر 💰 : بتايلند ١١ دينار ،، .
.
.
🎀


2

. 🎀
اليوم رحت للاوتلت اللي ببوكيت اسمه
Premium outlet phuket
.
تقييم التجربة🔖: صراحة حلو وفيه اشياء حلوه ورخيصه مقارنة بالكويت،، مثلا عزكم الله جوتي نايكي بخمسين دينار لقيته بعشرين دينار نفسه،، انا عجبتني محلاتهم الرياضيه مثل اديداس و نايكي وبوما وقولف وسبورتس ستيديام،، بس مافيه كثير ماركات محدود نوعا ما،، فيكم تحطون اسمه بالقوقل قبل لاتروحوله وتشوفون المحلات تناسبكم او لا،، لانه بعيد عن بوكيت تقريبا نص ساعه الى ٤٥ دقيقه من الباتونق،، والتسوق الصح ببانكوك اللي بروحلها لا يطوف الشوبينق هناك كل شي موجود،،
.
🎀


2

.
🎀
.
ما بين نِعم تسكننا،،
ونُعم نسكنها،،
ونعم لا نشعر بها،،
.
الحمدللهـ دائما ،، وأبدًا،،
.
🎀


3

.
🎀
.
مساء الخير بتوقيتي.. للي تبي حياتها تتغير للافضل بنسبه ١٨٠ درجه،، للي تبي تزيد صحه وراحه ونعمه وجمال وفلوس وكل شي نصيحه تقرا هالكتاب من اجمل ماقرأت،، عزالله انه سحر انصحكم فيه وبقوووووه بعد،،
.
اسم الكتاب📔: السحر،، للكاتبه روندا بايرن،،
.
اين يوجد 📍: مكتبه جرير حولي بارك..
.
السعر 💰: تقريبا خمس دنانير،،
.
🎀


1

.
🎀
.
شريت هالاشياء الجميله من بنفت،،
،
من اليسار الاضاءه: ناااااااار اللي ماعندها هالاضاءه ضروري تجربها والله خياال حتى على الانف من البدايه يخليه ناط.. جربوها في كذا وحده هذي اللي عجبتي..
.
بالوسط اي لاينر بوش اب: حيل حلو سهل بالرسم بس عيبه انه مايروح لو تغسلينه بتراب 😂
.
من اليمين للشفايف بالم: يعطي لمعه حلوه على حمرتج السحريه او اللحميه او الورديه شي مريح حلو للدوام للطلعات السريعه في كذا درجه انا خذيت peel.
.
تايلند الاسعار ارخص من الكويت ،، الاضاءه خذيتها بتسع دنانير والكحل بعشره والليب بالم ست دنانير،،
.
🎀


8

🎀
.
.
.
اسم المنتج✏️ : زبده جوز الهند من بالميرز للشد والتنعيم والسيلولايت
. .
تقييم التجربه🔖 : لاحظت حريمهم بشرق اسيا حتى وهي متينه الا ان جلدها مشدود قليل السيلوليت وفيه ترطيب،، فسألت صيدلانيه وقالت كثير حريم يستخدمون هذا المنتج الا وفعلا ماعندها الا آخر حبه،، فرحت قريت عنه وشفت الريفيو الا الكل يمدحه،، يشد البشره وينعمها حتى السيلوليت يخففه ويحسن مظهر البشره،، تستخدمينه بعد الحمل وبعد خساره الوزن،، يحتوي على زبده جوز الهند وزبده الشيا والكولاجين والاليستين وفيتامين اي والجنسنغ اللي كلهم يفيدون البشره.. .
ويحتوي بعد على انزيم كيو ١٠ اللي يحفز خلايا الجلد.. طبعا الاغلب يقولون بعد اسبوعين من الاستخدام تلاحظون الفرق ولافضل النتائج الاستمراريه وبعد شهرين الى ثلاث شهور تلاحظون النتيجه،، انا شريته وبجربه،،
.
واللي احسن من هذا كله سعره جداااا رخيص،، طريقة الاستخدام 📝: تستخدمينه مرتين يوميا صباحا ومساءا،، تحطينه على الجسم وتدلكينه على المنطقه المرغوبه،، وتركزين على المناطق اللي تبينها تتحسن مثل الكرش والفخوذ و الزنود.
.
أين يوجد 📍: انا شريته من تايلند واتوقع اكيد بالكويت فيه،، .
.
السعر 💰 : دينارين ونص،، .
.
.
🎀


11

🎀
.
هذا افضل اي لاينر على الاطلاق من ايزادورا والله يابنات كأنه تاتو تسبحين فيه بالبحر بالتراب 😂 مايروح على نفس الرسمه خطيييير،، جربوه وادعولي والاهم ان فرشته جدا سهله للرسم وسواده فااااااحم،، ولمن بتشيلينه بسرعه يطلع سهل،،
.
ملحوظه💥: في نوعين من هالاي لاينر واتر بروف والعادي،، هذا الوتر بروف سواده اكثر من العادي واحلى..
.
🎀


10

منتجع جي دبليو ماريوت خاو لاك،،
بكل ماتحمله الكلمه من معنى خيااااااااااال،، انصحكم فيه ثلاث ايام اقامه للي يحب الخصوصيه والهدوء


10

🎀
.
.
.
اسم المنتج✏️ : سبراي حمايه للشعر من بوتس..
. .
تقييم التجربه🔖 : للي يسبحون في البحر او حمامات السباحه اكبر خطأ انج تسبحين وموحاطه عليه حمايه او زيت او اي شي يرطبه قبل لاتطبين الماي،، لانج ان طبيتي بدون شي قولي على شعرج السلام من تقصف وجفاف وبالتالي تساقط..
.
فبما اني رايحه لديره بحريه،، قبل السفره بيوم ماكان عندي وقت مريت صيدليه بوتس،، وسألت عن اي زيت احطه على شعري قبل السباحه ،، وطلع بس هذا من عندهم،، على كثر البراندات اللي ببوتس ولا براند حاط حمايه للشعر من الكلور وملح البحر والشمس،، كنت بجرب حق لانكستر بس بوتس ماعندهم لانكستر،، للي ماتحب منظر الزيت على شعرها يعني بتكشخ هذا يصلح لها،، فيه نسبه زيت بسيطه،، وحمايه من اشعة الشمس ما احس انه الواو بس مرات الواحد يقول"العوض ولا القطيعه"
.
طريقة الاستخدام 📝: قبل السباحه رجي العلبه لان فيها زين ورشيها على شعرج،، .
أين يوجد 📍: صيدليات بوتس،، .
.
السعر 💰 : دينار ونص الواحد وكان فيه عرض اخذي اثنين يطلعلج ثنين مجانا يعني اربعتهم طلعو علي بثلاث دنانير،، .
.
.
🎀

JW Marriott Khao Lak Resort & Spa
3

🎀
.
صباح الخير ،، من خاو لاك ،،
.
منطقه بحرية جدا جميلة،، تبعد عن مطار بوكيت ساعه ونص بالسياره،، .
هدوء
.
استجمام
.
سباحه
.
والاهم موب زحمه مثل زحمه بوكيت،، باذن الله بنزل معلومات لكم عن منتجعنا،، اللي فيه اكبر حمامات سباحه يبلغ طولها ٣,٤ كيلو متر،، وشاطئ برايفت له،، من اجمل ماشفت،،
.
#تخليني_فهد_الكبيسي
.
🎀


9

🎀
.
.
.
اسم المنتج✏️ : صابونه زيت الارغان من ذي بودي شوب..
. .
تقييم التجربه🔖 : جدا جميله تعطي ترطيب حلو للجسم،، الحين عندهم عروض قويه،، .
طريقة الاستخدام 📝: بالليل قبل لا ترطبين جسمج غسلي فيها،، .
أين يوجد 📍: محلات ذي بودي شوب،، .
.
السعر 💰 : دينار،، وقبل الخصم بدينار ونص
.
.
.
🎀


2

🎀
.
.
.
اسم المنتج✏️ : رواكيوتان..
. .
تقييم التجربه🔖 : سحر،، خيال،، خلا بشرتي صافيه وعجيبه،، طبعا اللي ما عندها امراض بالدم مثل وظائف الكبد وماعندها كولسترول والكلى عندها سليمه والسي بي سي بعد،، كلها تحاليل دم يعطيج اياها دكتور الجلديه قبل لا تاخذينه،، اتكلي على الله اذا كنتي تعانين من الحبوب في وجهج والدهون الزايده،، وبتدعيلي،، اهم شي للمتزوجه ماتحمل اقل شي مده ثلاث شهور بعد ماتخلص العلاج اللي باغلب الحالات يستمر ست شهور،، لانه يسبب تشوهات للجنين والدكتور يوقعج عشان يخلي مسؤليته،،
.
طريقة الاستخدام 📝: حبتين يوميا بعد الاكل،، .
أين يوجد 📍: انا اخذها من المستوصف.، وكل صيدليات الكويت فيها،، والارخص صيدليات السعوديه،، .
.
السعر 💰 : بالكويت ٢٥ دينار.، وبالسعوديه ١٦ دينار،،
.
.
.
🎀


16

سكن فود موجود بالسرداب قبال جيان بمجمع ٣٦٠
.
اللي جربت فيه شي يستاهل ينشرا ونجربه تذكره لنا؟!
.
لان للامانه جربت كذا شغله ذاكرتهم بالبوستات السابقه عاديين جدا..


4

🎀
.
.
.
اسم المنتج✏️ : حماله الفرش بعد الغسيل من سيقما..
. .
تقييم التجربه🔖 : حيل حلوه بعد ماتغسلين الفرشه تعلقينها على الحماله ويكون وجه الفرشة للاسفل وهذا الصح لانو هالطريقه تخلي الفرشه تتخلص من كل الماي اللي فيها مو نحطها على فوطه او بلاستيك،،
.
طريقة الاستخدام 📝: كل فرشه تغسلينها وتعصرينها تعلقينها في مكانها الصحيح،، وجه الفرشه للاسفل،، .
أين يوجد 📍: طلبتها من الامازون.،
.
.
السعر 💰 : ١٥ دينار .،
.
.
.
🎀


2

🎀
.
.
.
اسم المنتج✏️ : بودره مات حره من بيرمينيرال،،
. .
تقييم التجربه 🔖 : عطتني اياها وحده الله يذكرها بالخير،،
ومن عقبها ما استغني عنها،، عجيبييبه للدوام والطلعات السريعه،، تشيل الشحوب وتعطي لوك مخملي،، والاهم ان البيرمينيرال عباره عن معادن وفيتامين،، يعني ماتضر باذن الله،،
في لها درجات اخذي اللي يناسبج،، وعلى فكره فيها حمايه من الشمس،، SPF 15
.
.
طريقه الاستخدام 📝 : بعد ماترطبين وجهك وتحطين الحمايه مالتج،، انتظري شوي وحطيها بفرشه او ببيوتي بلندر رطبه ،، عجيييييبه جربوها وبتدعولي،،
. .
أين يوجد 📍: سيفورا،،
.
.
🎀


4

🎀
.
.
شريت الخسرااااااان وشكرًا،،
.
يا امدحته وحده من الفاشنيستات مدح لدرجه قشته كله بس الظاهر دعايه وتجذب علينا كالعاده،،
.
عقبها توبه اصدقهم،،
.
.
🎀


14

🎀
.
.
احلى واروع اضاءه للمناسبات خطيييييييييييره شوي عليها،، استخدموها وبتدعولي ترهش رهشااااااان،،
.
وين ماتبون تحطونها للوجه،، للعين،، للجسم،،
.
اسمها : sparkling dust مكتوب عليها بالصوره
.
السعر ما اذكر صارلها اكثر من سنتين عندي،،
.
.
🎀


5

🎀
.
.
.
اسم المنتج✏️ : نافكون اي من الكون لتصفيه العين من الاحمرار،،
. .
تقييم التجربه 🔖 : احلى قطره لاحمرار العين ،، اذا عندج مناسبه وعينج حمره وتبين تتبيض استخدميها عجيبه وتبييض فوري،، طبعا كلنا عيونا حمر من مقابل الاجهزه الالكترونيه،، وجدا منظرها مو حلو العين الحمره عليكم بترطيبها دايما،، وتستخدمين هالقطره فقط للمناسبات هي للاحمرار والحساسيه،،
.
.
طريقه الاستخدام 📝 : قبل لاتلبسين العدسه قطري في كل عين قطره وانتظري خمس دقايق والبسي العدسه،،
. .
أين يوجد 📍: في كل الصيدليات،،
.
.
السعر 💰 : ١,٣٠٠ فلس،،
.
.
🎀


2

🎀
.
.
.
اسم المنتج✏️ : صابونه التفتيح من نيوتريديرم،،
. .
تقييم التجربه 🔖 : حلوه هالصابونه للتفتيح وبالاخص توحيد اللون،، بس صراحه سعرها مبالغ فيه بالكويت،، انا مره طلبت بالتلفون من صيدليه عطاني رقمها دكتوري وعطاني اياها الصيدلاني مجانا،، وعجبتني وطلبتها من الامازون كان سعرها ٣ دنانير،، اليوم اشيك بالامازون صارت بخمس دنانير وبالكويت ٧ يعني مافيه فرق عن الامازون لانه ياخذ توصيل،، يبيلي اروح استراليا واتحداكم ان مالقيتها بدينار ونص،، وحنا لاقينا بالكويت،،
.
.
طريقه الاستخدام 📝 : لاسبحتي وخلصتي صابون وسنفره،، آخر خطوه تصبني بهالصابونه وركزي على الاماكن الداكنه بجسمج،، وخليها خمس دقايق وغسلي،، لاتنسين البيبي اويل،، في ناس تستخدمها للوجه بس انا استخدمها للجسم فقط،،
. .
أين يوجد 📍: صيدليه جمعيه الخالديه،، انا طالبتها من الامازون،،
.
.
السعر 💰 : بالامازون ٥ دنانير، وبصيدليه جمعيه الخالديه
٧ دنانير،،
.
.
🎀


10

🎀
.
من اشيائي اللي لاخلصت ارجع اشتريها من جمالها،، .
مزيل للعرق + ماسك <~~ من ديرما دكتور متكلمه عنهم قبل في بوستات سابقه،،
.
كريمي المرطب فيه فيتامين ايه <~~ من نيوتريديرم،،
.
اسعارهم 💰: مزيل العرق بـ ١٧,٢٥٠ .
الماسك بـ ٣٣,٣٩٠
.
المرطب بـ ١٣,٨٠٠
.
طبعا انا اطلب هالاشياء من الامازون بنص السعر،، بس لانه صيف واخاف من الحراره والتوصيل من امريكا لي الكويت تخربهم فشريت من الكويت،،


4